Тулгар төрийн 2231 жил, Их Монгол Улс байгуулагдсаны 816 жил, Ардын хувьсгалын 101 жилийн ой, Үндэсний их баяр наадмаар нийт ес хоног амарна. Наадмын нээлт, хаалтын тоглолтыг Төрийн соёрхолт Н.Наранбаатар найруулахаар ажилдаа орсон билээ.
Нийтээр тэмдэглэх баярын болон тэмдэглэлт өдрүүдийн тухай хуульд Үндэсний их баяр наадмаар долдугаар сарын 11-15-нд тав хоног амрахаар заасан байдаг. Хуанлийн хуудсанд тэмдэглэснээр 2022 оны долдугаар сарын 11-н даваа гаригт таарч байгаа. Ингэснээр долдугаар сарын 9-ний бямба гаригаас эхлэн долдугаар сарын 18-ны даваа гариг хүртэл баярын амралттайгаа нийлээд нийт 9 хоногийн амралт үргэлжлэхээр байна.
Манай улсад тархаад байсан коронавирусийн халдварын улмаас өнгөрсөн 2020, 2021 онд Үндэсний их баяр наадмаа цахимаар зохион байгуулсан юм.
Дашрамд, цахимаар тэмдэглэсэн 2020 онд 2.8 тэрбум төгрөг, 2021 онд 2.5 тэрбум төгрөгийг зарцуулжээ. Харин энэ жилийн наадмын төсөв батлагдаагүй байна.
