Нийслэлийн Ардчилсан намаас өчигдөр дайны эсрэг, ардчилалыг дэмжих "Монголоо Беларусь Болгохгүй!" цуглаан зохион байгуулах болсон талаар мэдээлсэн билээ. Энэ талаар Нийслэлийн АН-ын дарга Э.Бат-Үүл "Монгол улсыг хоёр дахь Беларусь болгох гэж байгаа Ерөнхийлөгч асан Х.Баттулгаас явуулж байгаа бусармаг үйл ажиллагааг эсэргүүцнэ. Ардчилсан намаас зайлуулна" хэмээн мэдэгдсэн.
Э.Бат-Үүлийг мэдээлэл хийх үеэр үл таних хоёр эмэгтэй түүний өмнө зогсож, хэвлэлийн дүрс авах боломжийг хааж саад учруулж байсан юм. Тэд "Яаж Беларусь шиг болоод байна. Орос бидэнд ямар гэм хийсэн юм. Болиочээ. Болиод өг!" зэрэг үгсийг чанга дуугаар ярьж, иргэдийн үг хэлэх эрх чөлөөнд халдаж, үймээн дэгдээх гэж оролдсон. Мөн бусдын биед халдаж, зодоон үүсгэж, чанга чанга орилж байв. Улмаар хэвлэлийн хурлыг зохион байгуулагчид тус үймээн самууны талаар хуулийн байгууллагад дуудлага өгөхөд "Та нар өөрсдөө зохицуул, очиж чадахгүй" гэсэн тайлбарыг өгчээ.
Сэтгэгдэл (3)