Баянгол дүүргийн Засаг дарга Ө.Сумъяабаатар өнөөдөр ХААН банкны Баянгол салбарын захирал Н.Нямбаярыг хүлээн авч уулзан, хамтран ажиллах санамж бичигт гарын үсэг зурлаа.
Уулзалтын үеэр талууд хоёр асуудлыг хөндсөн бөгөөд нэгдүгээрт дүүргийн 5 дугаар хороо 5А байрны хойно, нийтийн эзэмшлийн талбайд 3x3 сагсан бөмбөгийн нэг талбайг ХААН банк нийгмийн хариуцлагынхаа хүрээнд байгуулахаар болсон бол дүүргээс мөн нэг сагсан бөмбөгийн талбайг нэмж байгуулахаар боллоо.
Хоёрдугаарт иргэдэд санхүүгийн үйлчилгээг хурдан шуурхай, нэг дороос хүргэх үүднээс дүүргийн нутаг дэвсгэрт АТМ болон КИОСК машины тоог нэмэгдүүлэхээр боллоо. Энэ ажлын хүрээнд хүн ам ихээр төвлөрсөн “Нарны хороолол”, “Голден парк” хотхонд төрийн үйлчилгээг иргэдэд хүргэх Иргэний бүртгэлийн КИОСК машин болон ХААН банкны КИОСК машиныг байршуулсан цэг байгуулахаар болсон юм.
