Монгол Улсаас Иран улс руу хонины мах экспортолж эхэлжээ.
Энэ талаар Эдийн засагч Д.Ангар "Монголын махны үйлдвэрт бэлтгэгдсэн хонины махыг жолооч маань машиндаа ачаад Исламын Бүгд Найрамдах Иран Улсыг зорилоо. Замд 8,000 орчим километр явна. Алтан шар зам нь өлзийтэй байх болтугай" хэмээн цахим хуудсандаа нийтэлсэн байна.
Мах, махан бүтээгдэхүүний экспортын талаар Монголын Махны холбооны менежер И.Баттогтох "Дулааны аргаар боловсруулсан хонь, ямааны мах болон адууны түүхий шулсан махыг урд хөрш рүү 2021 оны зургаадугаар сарын 9-нийг хүртэл гаргаж байсан. Манай улсын хувьд Иран руу 2018 оноос мах экспортолж эхэлсэн. Гэхдээ гаргаж буй махны хэмжээ маш бага. Ихэнхдээ ангилсан хонины мах нийлүүлдэг" гэв.
