БОАЖЯ-наас ажлын хэсэг байгуулан Богдхан уулын дархан цаазат газарт болон Туул голын сав дагуу олгогдсон газруудыг нягтлан шалгах ажлыг явуулж байна.

Яамны зүгээ удахгүй бүх мэдээллийг ил тод мэдээлж, иргэнийг мэдэх эрхээр хангахаар ажиллаж байгаа аж.

Хэд хоногийн өмнөөс Богдхан уулын дархан цаазат газрын Соёмботой уулын оройд бурхантай хөшөө барьж эхэлсэн талаар мэдээллээд буй. Нийт 50 орчим га газарт "Цэцгэн эрхит ловон Бадамжунай" бурхны хөшөө бүхий бүтээн байгуулалтын ажилд иргэд шүүмжлэлтэй хандаж байгаагаа цахим орчинд илэрхийлж байна.

Үүнээс улбаалан иргэдийн зүгээс заавал голын дагуу газар авна, үгүй бол жагсаал хийж, өлсгөлөн зарлана гэж БОАЖЯ-ны гадна бухимдлаа илэрхийлээр байна.

БОАЖЯ-наас "Соёмботой уулын оройд газар олгожээ. Уг газар дээр бурхан барихтай холбоотой асуудлыг ажлын хэсэг шалгаж байна" гэж мэдэгдлээ.

Нийслэлийн 1.6 сая иргэний ундаалдаг усны сав газраа хүн нэг бүр хайрлан хамгаалахгүй бол болохгүй, нийтээрээ уух усгүй болох аюул ойрхон байна.

Гэрэл зургийн эх сурвалж: key.mn, livetv.mn