Энхтайваны гүүрний зүүн талд буюу “Дунд гол” урсдаг хэсэгт Усан парк, спорт цогцолбор соёл амралтын хүрээлэн барина гэж байсан ч орон сууцны хороолол барьж эхэлсэн байна.
Усан паркийн барилгын явцын талаар “M&G” констракшны гүйцэтгэх захирал А.Амарбаясгалан мэдээлэл хийлээ.
Тэрээр "Усан паркийн төсөл зогсоогүй, 2028 он гэхэд бүрэн ашиглалтад орно. Хувийн хэвшлийн ажилд хөндлөнгөөс оролцон, буруу мэдээлэл тараасан тул би та бүхэнд мэдээлэл өглөө. Бид төслөө хоёр жилийн дотор барьж дуусгана" гэв.
Усан парк барих төслийг “M&G” констракшн анх санаачилжээ.
Зураг төслийн дагуу цогцолборын усан паркийн хэсэгт 50 метр урттай усан бассейн, 12 замтай усан гулгуур, хиймэл далайн эрэг зэрэг байрлах бөгөөд спорт цогцолборын хэсэгт NBA-ийн стандартад нийцсэн сагсан бөмбөгийн ордон болон 30 гаруй спортын танхимтай байх аж.
