Нийслэлийн Засаг даргын 2022 оны Гуравдугаар сарын 14-ний өдрийн А/388 дугаар захирамжийн хүрээнд энэ сарын 26-ны өдөр Баянгол дүүргийн 18 дугаар хороонд байрлах 26 гараашийг буулгаж, газар чөлөөлөх ажил эхэлжээ.

Тус хорооны хувьд өөрийн гэсэн байргүй бөгөөд гарааш буулгасан газарт Хорооны цогцолбор барилга барих юм.

2022 онд дүүргийн хэмжээнд Газар зохион байгуулалтын албаны төлөвлөгөөнд тусгаснаар 1146 гарааш чөлөөлж, тохижилтын ажлыг хийхээр төлөвлөжээ.

Дашрамд мэдээлэхэд, дүүргийн Засаг даргын 2022 оны Хоёрдугаар сарын 24-ний өдрийн А/60 захирамжийн хүрээнд дүүргийн нутаг дэвсгэрт улс, нийслэл, орон нутгийн төсвийн хөрөнгө оруулалтаар хийгдэх бүтээн байгуулалтын ажил, авто зам, гудамж талбайн тохжилтын ажлыг эрчимжүүлэх, иргэдийн эрүүл, аюулгүй орчинд амьдрах эрхийг хангах, газар зохион байгуулалтыг сайжруулах зорилгын хүрээнд 2, 3, 4, 5, 6, 7 ,8, 9, 13, 14, 15, 17, 18, 20 дугаар хорооны нутагт зөвшөөрөлгүй баригдсан тоосгон гараашуудыг 5 багц ажлын хүрээнд ирэх дөрөв, тавдугаар сардаа багтаан чөлөөлөхөөр ажиллаж байгаа юм.

Цэлгэр, цэвэрхэн, аюулгүй хоттой болохын төлөө хамтдаа хичээцгээе