x

Дэлхийд өрсөлдөх Монголын гол тоглогч - “ЭРДЭНЭС ТАВАН ТОЛГОЙ”

ДЭЛХИЙД ӨРСӨЛДӨХ МОНГОЛЫН ГОЛ ТОГЛОГЧ - “ЭРДЭНЭС ТАВАН ТОЛГОЙ”

Монгол Улс төсвийнхөө гурван төгрөг тутмын нэгийг уул уурхайн салбараас бүрдүүлж байна. Үүн дотроо нүүрсний салбарын үзүүлэх нөлөөлөл илүүтэй жин дардаг. Тиймээс ч “Хөгжлийг дэмжсэн онцлох төслүүд” цуврал энэ удаад Монголын нүүрсний салбарын гол тоглогч “Эрдэнэс Таван толгой” компанийг онцолж байна. 

Таван толгойн бүлэг ордод үйл ажиллагаа явуулж буй компаниуд дотроо олборлолтоороо ч, орлогоороо ч тэргүүлж буй нь “Эрдэнэс Таван толгой”. Хамгийн гол нь уул уурхайн бусад төслүүдээс тэдний ялгарах онцлог нь Монгол Улсын 2.5 сая иргэн хувьцааг нь эзэмшдэг, 2019 онд нийтдээ 179.8 тэрбум төгрөгийн ногдол ашиг авчихсан байгаа. Эндээс л “Эрдэнэс Таван толгой”-н цар хүрээ, цаашилбал нийгэм, эдийн засагт үзүүлэх нөлөөллийг нь багцаалдаж болох юм. Нийгмийн маш олон төсөл хөтөлбөрүүдэд “Эрдэнэс Таван толгой” оролцож ажилладгаас энэ удаад төмөр замын төслүүдийг нь танилцуулъя. 

Тавантолгой-Гашуунсухайт, Тавантолгой-Зүүнбаян, Богдхан төмөр зам зэрэг дэд бүтцийн томоохон бүтээн байгуулалтыг тус компани хувийн хэвшилтэй хамтран хэрэгжүүлж байгаа. Барилга угсралтын ажил ч төмөр замын төслүүд дээр маш амжилттай хэрэгжиж байна. 

Энэ төсөл нь “Эрдэнэс Тавантолгой” компаниар зогсохгүй Монгол Улсын эдийн засагт чухал нөлөө үзүүлнэ хэмээн мэргэжилтнүүд үзэж байна. 5.1 тэрбум тонн коксжих нүүрсний нөөцтэй Тавантолгойн бүлэг ордод олборлолт явуулж буй “Эрдэнэс Тавантолгой” компанийн хамгийн том хэрэглэгч нь БНХАУ юм. Гэвч төмөр замгүйгээс үүдэж Тавантолгойн нүүрсийг автомашинаар тээвэрлэсээр зорьсон хэмжээнд борлуулалт хийж чадахгүй байна. Жилдээ 42 сая тонн нүүрс экспортлох зорилтыг Монгол Улсын Засгийн газар сүүлийн хоёр жил дараалж дэвшүүлсэн боловч цар тахлын нөхцөл байдал, хилийн боомтын нэвтрүүлэх хүчин чадлаас үүдээд чадаагүй. Хэрэв Тавантолгой-Гашуунсухайт чиглэлийн төмөр зам ашиглалтад орвол тээврийн зардал буурахын зэрэгцээ хилийн нэвтрүүлэх хүчин чадал ч үлэмж нэмэгдэх юм. 

Хоёр өртөө, таван зөрлөгтэй Тавантолгой-Гашуунсухайт төмөр зам ашиглалтад орсноор жилдээ 30 сая тонн коксжих болон эрчим хүчний нүүрс экспортлох боломжтой болно. Ингэснээр Тавантолгойн бүлэг орд орчмын уурхайн олборлолт 2-3 дахин нэмэгдэнэ. Харин Монголын нутаг дэвсгэр доторх нүүрсний тээврийн зардал тонн тутамд найман ам.доллар болж хямдарч, өнөөгийн авто замаар хил хүртэл тээвэрлэж буй зардал дөрөв дахин буурах юм. Түүнчлэн 1900 орчим байнгын ажлын байр шинээр бий болж, 25 жилийн хугацаанд нэг тэрбум ам.долларын ногдол ашиг Засгийн газарт өгөх тооцоо бий. 

"Эрдэнэс Тавантолгой" ХК-ийн Гүйцэтгэх захирал Б.Ганхуяг "Өнөөдрийн байдлаар нэг тонн нүүрсний тээврийн зардал 32 ам.доллар байна. Төмөр зам баригдсанаар тээвэрлэлтийн зардал найман ам.доллар болж буурна. Энэ хэмжээгээр эдийн засгийн үр ашиг, иргэдэд очих ашиг нэмэгдэнэ" гэлээ.

2022 оны долдугаар сарын 1-нд нээхээр төлөвлөн ажиллаж буй энэ замаар Монголын нүүрс гадаад зах зээлд хүрч, бодит ашиг нь монголчуудад ирэх юм. Мэдээж асар өндөр үнийн дүн бүхий төслийн санхүүжилт ямагт бэлэн байна гэдэг хэцүү. Тиймээс ч “Эрдэнэс Тавантолгой” компани үндэсний тэргүүлэгч “Голомт” банктай хамтран ажилладаг аж. 

2020 онд л гэхэд Тавантолгой-Гашуунсухайт чиглэлийн төмөр замд шаардлагатай нэмэлт санхүүжилтийг “Голомт” банк олгосон бөгөөд стратегийн ач холбогдол бүхий уг замын бүтээн байгуулалтыг ямар ч саадгүйгээр төлөвлөсөн хугацаанд нь дуусгахаар ажиллаж байна. Үүнээс гадна “Эрдэнэс Тавантолгой”, “Голомт банк” хоёрын харилцаа бүтээн байгуулалтын төслүүдийн санхүүжилтээс гадна улсын төсөвт татвар урьдчилан төвлөрүүлэхэд ч хамтарч ажилласан туршлагатай ажээ. Үр дүнг нь монголчууд нийтээрээ хүртэх төслүүд дээр ийнхүү “Эрдэнэс Тавантолгой”, “Голомт банк” амжилттай хоршин ажиллаж, ирэх онд экспортын орлогод бодитой хувь нэмэр оруулах төмөр зам бэлэн болох нь ээ. 

Г.ХУЛАН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Хоёр улсын иргэд хүчирхийлэлд өртсөн Монгол охины эрхийг хамгаалахаар БНСУ-ын Ерөнхийлөгчид хандаж байна 9 цаг 12 минутын өмнө E-POLICE аппликэйшн ашиглан замын хөдөлгөөний зөрчлийг мэдээлэх боломжтой 11 цаг 38 минутын өмнө "Манай хотын иргэн болох гэж байгаа бол таксаа төл!" 16 цаг 50 минутын өмнө Монгол охины эрхийг хамгаалахаар БНСУ-ын телевизүүд эрэн сурвалжлах нэвтрүүлэг бэлтгэнэ 16 цаг 58 минутын өмнө "Дөрвөн хүүхдийн хоёр нь хэрэг хүлээх насанд хүрээгүй тул ямар нэгэн ял шийтгэл аваагүй" 17 цаг 7 минутын өмнө АНУ-д омикрон хувилбарын анхны тохиолдол батлагджээ 17 цаг 15 минутын өмнө "Шинэ дүрмүүд Беларусийн цагаачдыг хязгаарлаж магадгүй" 17 цаг 22 минутын өмнө С.Эрдэнэ: Иргэний үзэл бодлоо илэрхийлэх, эрх чөлөөний тухай хуулийг боловсруулан өргөн барина 17 цаг 48 минутын өмнө Д.Зүмбэрэллхамыг ШЕЗ-ийн шүүгч бус гишүүнээр томиллоо 18 цаг 21 минутын өмнө СЭРЭМЖЛҮҮЛЭГ: 32 тонн шатахуун ачсан автомашин нуур руу цөмөрч оржээ 19 цаг 14 минутын өмнө Бельгийн Хаант улсад суух Элчин сайд Л.Болд Итгэмжлэх жуух бичгээ гардан авав 19 цаг 27 минутын өмнө Ерөнхийлөгч өө, танай албатууд яагаад ард түмнээрээ тохуурхаад байна?! 20 цаг 6 минутын өмнө Хүчирхийлэлд өрстөн Монгол охины эрхийг хамгаалахад нэгдэхийг уриалав 20 цаг 14 минутын өмнө Хугацаа нь дууссан Цэцийн даргаар давхар дээлийг нөмрүүлэх МАН-ын бодлого ба АН-ын гар хөлүүд 20 цаг 25 минутын өмнө Нийгмийн салбарын уялдаа холбоог сайжруулах талаар санал солилцлоо 20 цаг 39 минутын өмнө Улсын хэмжээнд халдварын улмаас 1935 иргэн нас бараад байна 20 цаг 43 минутын өмнө БАЙРШИЛ: Томоохон зах, худалдааны төвд түр цэгүүд ажиллаж байна 20 цаг 57 минутын өмнө Захиалгат нислэгээр ирэх иргэдийг тусгаарлах зочид буудлуудын бэлтгэлийг хангууллаа 21 цаг 18 минутын өмнө ФОТО: "Токио-2020" олимпын наадамд оролцсон тамирчид энгэрийн тэмдгээ гардан авчээ 21 цаг 39 минутын өмнө Нийгмийн халамжийн тэтгэвэр, тэтгэмж олгох журмыг шинэчилжээ 21 цаг 51 минутын өмнө
iИх уншсан
Тусгаар тогтнолын өдөр хэмээх “үзэл суртлын дайн” ба Оросууд... Токиогийн хөрөнгийн биржээс тендерийг цуцалсны дараа яагаад ... Д.Одхүү: Монгол Улсын нутаг дэвсгэрт баригдах усан цахилгаан... Дундаж монгол Долгор нь Малтад Маш том АЛБАН ТАТВАР Эрээнээс ногоо татаж байхаар эм тариагаа оруулж ирэх хэрэгтэ... Хугацаа нь дууссан Цэцийн даргаар давхар дээлийг нөмрүүлэх М... Ерөнхийлөгч өө, танай албатууд яагаад ард түмнээрээ тохуурха... ДЭМБ улс орнуудыг асуудалд шинжлэх ухаанч хандах хэрэгтэй гэ... Хоёр улсын иргэд хүчирхийлэлд өртсөн Монгол охины эрхийг хам... Эрдэмтэд ковидын халдварыг дахин авч болох хугацааг тогтоов Альфабүүк номын дэлгүүр сургуулиудыг “ӨГЛӨӨНИЙ УНШЛАГА”-д ур... Хоёр Солонгосын хоорондох тагнуулын жүжиг СЭРЭМЖЛҮҮЛЭГ: 32 тонн шатахуун ачсан автомашин нуур руу цөмө... Иргэдийн дансанд халдаж, тэрбум төгрөгийн хохирол учруулсан ... Монгол охины эрхийг хамгаалахаар БНСУ-ын телевизүүд эрэн сур... Хайрын геометр: ҮНСЭЛТ ЗУРГИЙН 8 ДЕТАЛЬ Энхийг сахиулагчид Өмнөд Африкаас бус Өмнөд Судан улсаас эх ... Нийгмийн халамжийн тэтгэвэр, тэтгэмж олгох журмыг шинэчилжээ... Гадаадаас эх орондоо ирж байгаа иргэдийн АНХААРАЛД!
Top