Өнөөдөр цахим хуудаснаа цэргийн алба хаагч нар нэгнээ дарамталж буй бичлэг тарж, олон нийтийг бухимдуулаад байна. 

Тухайн бичлэгт, Зэвсэгт хүчний Хүндэт харуулын 032 дугаар ангийн цэргүүд нэгнээ дарамталж, дэглэж буй бичлэгээ цахим хуудастаа оруулснаар ил болжээ.

Энэ асуудлаар Хүндэт харуулын 032 дугаар ангийн захирагч Ж.Мөнхбатаас тодруулахад “Дарамталсан гэх цэргүүдтэй уулзаагүй байна. Би гадуур ажилтай явж байна. Мэдээлэл өгөх боломжгүй" гэсэн байна.

Харин Батлан хамгаалах яамнаас “Бид цэргийн ангийн захирагчтай уулзаж байна. Удахгүй энэ асуудлаар мэдээлэл бэлтгэж хүргэнэ” гэсэн байна. 

Цэргийн алба хаагчид нэгнээ зодох, дарамтлах хэвийн үзэгдэл мэт байсаар өдийг хүрчээ. Тухайн ангийн захирагч ямар арга хэмжээ авах, цаашлаад ямар сахилгын шийтгэл оногдуулахаа тодорхой тайлбарлах шаардлагатай. 

Мөн салбарын сайд энэ асуудлаар тайлбар хийх ёстой. 

Зарим нэгний хэлж буйгаар бичлэгийг хэзээ хийсэн нь тодорхойгүй байна гэж байгаа нь хэргийг дарах, улмаар өөгшүүлэх үйл явдал ч болж болох юм. Мөн цэргийн алба хатуу бүхнийг сургах нэрийдлээр нэгнээ зодох үзэгдлийн хэвийн болгосон нь тухайн бичлэг хийсэн цэргүүдийг ч мөн хүчирхийлэл хүлээж буйг үгүйсгэх аргагүй юм.