Олон нийтийн анхаарлыг тодорхой асуудалд хандуулж, хүмүүсээс гарын үсэг цуглуулдаг change.org цахим өргөдөл цуглуулах сайтад нэг иргэн Монгол Улсын ерөнхийлөгч Х.Баттулгын компьютерын Windows системийг лицензтэй болгох хөдөлгөөнийг эхлүүлжээ.

Өргөдөл гаргагч төрийн байгууллагуудад оюуны өмчийг хүндлэх, албан ёсны зөвшөөрөлтэй программ ашиглах явдал хангалтгүй байгааг шүүмжилсэн бөгөөд энэ байдлыг өөрчлөхийг шаарджээ.

Өчигдөр болсон Шанхайн Хамтын Ажиллагааны Байгууллагын цахим чуулганд оролцохдоо ерөнхийлөгч Х.Баттулга лицензгүй Windows системтэй компьютер ашиглаж байгаа нь хэвлэлд тараасан гэрэл зурагнаас ил болсон юм байна.

Та зураг дээр дарж нэгдэх боломжтой.

Өмнө нь манай улсын иргэд утааны эсрэг арга хэмжээ авч өгөхийг хүсэж НҮБ-д, мөн Үндсэн хуулийн Цэцийн дарга Д.Одбаярыг улс орныхоо нэр хүндийг гутаасан асуудлаар уучлалт гуйж, албан тушаалаасаа огцрохыг шаардаж change.org цахим өргөдөлд нэгдэж байсан юм. 

Change.org талбарт дэлхийн өнцөг булан бүрээс асуудлаа шийдүүлэхийг, аливааг өөрчлөхийг хүссэн хүмүүс санал нэгдэн гарын үсэг цугцуулдаг юм. Гаргасан өргөдөлд олон хүн хандаж, хуваалцах тусам шийдвэр гаргах түвшний хүмүүст илүү хурдан хүрдэг билээ.