Засгийн газар иргэд, ААН-ээ дэмжсэн чиглэлд үндсэн 7 арга хэмжээ авч ажиллахаар болсон талаар Засгийн газраас мэдээлсэн.

Тухайлбал 4 дүгээр сарын 1-нээс аравдугаар сарын 1 хүртэл ААН-үүдийг Нийгмийн даатгалын шимтгэлээс чөлөөлж, мөн 6 сарын турш иргэдийн цалин хөлснөөс орлогын албан татвар авахгүй бүрэн чөлөөлөхөөр болсон.

Иргэдийн нийгмийн даатгалын дэвтэрт 6 сарын хугацааны бичилт хийхүү гэх мэт олон асуулт гарч ирж байгаа учраас бид Хөдөлмөр, нийгмийн хамгааллын сайд С.Чинзоригоос тодруулга авчээ. 

Тэрээр "Засгийн газрын шийдвэр гарсан. Ажил олгогчын нийгмийн даатгалын шимтгэлээс чөлөөлж байгаа учир ажилтныг 6 сарын хугацаанд НДШ-ийг төлснөөр тооцож, бичилт хийх арга хэмжээ авна. Ийн арга хэмжээ авахгүй бол дараа ажилтныг тэтгэвэот гарахад 6 сарын хугацаанд НДШ төлөөгүй гэх асуудал гарах тул уг аргаар шийдхээр болсон. 

Харин ажил олгогч маань ажилтныг цомхотгохгүй байх, ажлаас нь халахгүй байх, цалин бууруулахгүй байх үүрэг хүлээж байгаа юм. 

Мөн хувиараа хөдөлмөр эрхлэгчид дээрх хугацаанд адилхан НДШ-ээс чөлөөлөгдөнө. Эднийхээ нийгмийн хамгааллыг лордуулахгүй байх үүднээс хөдөлмөрийн хөлсний доод хэмжээгээр тооцож, НДШ төлсөнд тооцож бичилт хийгдэнэ. 

Учирч буй хүндрэл бэрхшээлийг даван туулах үүднээс НДШ-ийн хөнгөлөлтийг зөвхөн хувийн хэвшил, ААН, байгуулгуудад олгох нь зөв гэж үзсэн. Засгийн газар өөрөө ажил олгогч тул төсвийн байгууллагын ажилтнуудад харин дээрх НДШ-ээс чөлөөлөх асуудал яригдахгүй. Засгийн газар цомхотгол хийхгүйгээр цалинг тавиж чадна гэж үзэж байгаа" гэв.