Монгол улсын Ерөнхийлөгч Х.Баттулга тусгай үүргийн нислэгээр өчигдөр буюу хоёрдугаар сарын 27-ны өдөр БНХАУ-д айлчлаад ирсэн билээ. Тэрээр айлчлалын хүрээнд коронавирусийн халдварын дэгдэлттэй тэмцэж буй Хятад улсад Монголын ард түмнээс 30 мянган хонь хандивлаж буйг дуулгасан билээ. Харин БНХАУ-ын дарга Ши Жиньпин халдварын дэгдэлт болж, онцгой нөхцөл байдал үүссэнээс хойш манай оронд айлчилж буй анхны төрийн тэргүүн боллоо хэмээн ихээхэн талархалтай хүлээн авсан юм.
Тэгвэл уг айчлалын хүрээнд хандивласан 30 мянган хонины талаарх мэдээллийг Хятадын хамгийн том сошиал платформ болох WeChat болон Weibo дээр 2 цагийн дотор 100 сая гаруй хүн үзжээ.
Хятадын уншигчдын сэтгэгдлүүд ихэвчлэн эерэг байсан ба та бүхэн сэтгэгдэлүүдийг хүргэж байна.
- Бүгдээрээ битгий идэхээ л яриад бай л даа... Өсгөж үржүүлээд аажимдаа төллүүлж болдоггүй юмуу... тэгээд малчдад хэдэн суурь тасдаж өгөөд... дахиж төллүүлээд...
- Энэ ах хүү фитнэсийн багштай адилхан юм аа хэхэ.
- Сая сар шинээр гэртээ нэг хонь 2000 юаниар авсан. Ингээд тооцохоор Монгол 60 сая юань хандивлаж. Их мөнгө шүү!
- Бөөнөөрөө байгаа олон хонь төсөөлсөн чинь... хөөрхөн санагдчилаа.
- Юууун хөөрхийн, баярлалаа.
- Цөмөөрөө яаж хуваахаа гялс бодъё оо. 45000 хүнд 1 хонь ноогдох юм байна.
- Хонины махны халуун тогоо, шарсан хонины мах үнэртэх шиг боллоо.
- Хойд нутгаар цас орсон гэсэн "Тэвдэж явахад хониор тусла" гэх үү, гүй юу.
- Монголчууд сайхан "шударга гарууд" юм аа, хаха, Баярлалаа!
- Бид хонийг Хятад-Монголын хилээс яаж Хубэй муж руу тээвэрлэх вэ? Бүгдээрээ банш чимхээд Уханийн эмнэлгийн ажилчдад илгээвэл ямар вэ?
- 30 мянган хонь Хятадад 60 сая орчим юанийн /8.65 сая ам.доллар/ үнэд хүрнэ. Хөгжиж буй орон гэхэд бодит тусламж үзүүлж байна. Гэтэл АНУ 100 сая доллар хандивлана гэсэн хаана байна?
- Өмнө нь Монголын Засгийн газар манай улсад 200 мянган ам.доллар хандивлаж байсан. Баярлалаа.
- Монголчууддаа баярлалаа.
.png)
Сэтгэгдэл (2)