Хятадын Хубэй мужид өчигдөр /сүүлийн 24 цаг/ коронавирусийн халдварын 411 шинэ тохиолдол бүртгэгдэж, 115 өвчтөн нас баржээ. 

Хятадын эрүүл мэндийн хорооны мэдээлж буйгаар халдварын тохиолдлыг тоолох аргаа дахин өөрчилсөн бөгөөд үүний улмаас лхагва гаригийн шинэ тохиолдолын тоо нь халдварын тохиолдол буурч байгаа үзүүлэлт болсон гэжээ.

Мөн халдварын тоо буурахад мөн Ухань хотод хэрэгжсэн хөл хорионы хатуу дэглэм хэрэгжиж эхэлсэнтэй холбоотой гэж үзжээ. 

Дэлхий даяар өнөөдрийн байдлаар коронавирусийн халдварын тохиолдол 75773 болж, нас барсан өвчтөний тоо 2129 болжээ.

Харин 16329 өвчтөн бүрэн эдгэрч, эмнэлгээс гарчээ.

Лхагва гаригт /2020.02.19-2020.02.20/ 349 хүн шинээр халдвар авч, 108 өвчтөн нам барсан. 

Мягмар гаригт /2020.02.18-2020.02.19/ 1693 хүн шинээр халдвар авч, 132 өвчтөн нас барсан.

Даваа гаригт /2020.02.17-2020.02.18/ 1807 хүн шинээр халдвар авч, 93 өвчтөн нас барсан.

Ням гаригт /2020.02.16-2020.02.17/ 1933 хүн шинээр халдвар авч, 100 өвчтөн нас барсан.

Бямба гаригт /2020.02.15-2020.02.16/ 1843 хүн шинээр халдвар авч, 139 өвчтөн нас барсан.

Шинэ коронавирусийн халдвар манай улсад илрээгүй ч эрсдэл өндөртэй орны тоонд багтсан хэвээр байна. Иймд иргэд ДЭМБ-аас гаргаж байгаа зөвлөгөөг дагаж, сонор сэрэмжтэй байх хэрэгтэй гэдгийг ЭМЯ-наас сануулсаар байна.