x

Нийслэлийн нутаг дэвсгэрээс хар шороо олборлохыг хориглолоо

Улаанбаатар хотын нутаг дэвсгэрээс хар шороо олборлохыг 2020 оны 1 дүгээр сарын 1-ний өдрөөс эхлэн 3 жилийн хугацаатайгаар хориглолоо. Шийдвэрийг Нийслэлийн Засаг даргын 2019 оны А/1033 дугаар захирамжаар гаргажээ.

Хар шороо нь нийслэлийн нутаг дэвсгэрт хязгаарлагдмал нөөцтэй тархсан бөгөөд хотын цэцэрлэгжүүлэлт, ногоон байгууламжийн ажилд зориулж 1998 оноос эхлэн Сонгинохайрхан, Налайх дүүргийн нутаг дэвсгэрээс жил бүр 3,000-4,000м.куб хар шороог олборлож ирсэн. Хар шорооны олборлолт хийгдсэн тохиолдолд нөхөн сэргээлтийг технологийн дагуу хийсэн ч маш удаан хугацаанд нөхөгдөж бүрэлдэн бий болдог онцлогтой байгалийн үнэт баялаг юм.

Улаанбаатар хот өргөжин тэлэхийн хэрээр цэцэрлэгжүүлэлт болон ногоон байгууламжийн хэрэгцээ өсөн нэмэгдэж байгаа боловч байгалийн шавхагдах баялаг болох хар шорооны нөөц барагдаж цаашид ашиглах, олборлох боломжгүй болж байна. Хар шороог ногоон байгууламжид ашиглаж байгаатай холбогдуулан зөвшөөрөлгүй газар ухаж олборлох хууль бус үйлдлүүд өсөн нэмэгдэх болсон. Ингэснээр газрын хэвлийн нөхөн сэргээлт орхигдож, үржил шимгүй шар шороон хөрс бий болж ургамлан бүрхэвч доройтон хавар, намрын улиралд шороон шуурга үүсэх, тоосжилт бий болох нэг үндсэн шалтгаан болж байгаа юм.

Судалгааны дүгнэлт:

2018 онд Нийслэлийн Байгаль орчны газрын захиалгаар Хөдөө аж ахуйн их сургуулийн эрдэмтэд Улаанбаатар хотын нутаг дэвсгэр дэх хар шорооны нөөцийн судалгааг явуулсан. Судалгааны дүгнэлтээс үзвэл сүүлийн жилүүдэд иргэн, аж ахуйн нэгж, байгууллагын буруутай үйл ажиллагаанаас Улаанбаатар хотын хөрсний 13.6 хувь нь ямар нэг хэмжээгээр эвдэрсэн бол нийт эвдэгдсэн талбайн 70.1 хувь нь хүчтэй доройтон цөлжсөн байдалтай байна. Энэ үйл явц цаашид ч нэмэгдэх магадлалтай тул хар шорооны олборлолтыг нэн даруй зогсоох нь зүйтэй гэсэн зөвлөмжийг гаргасан.

Дээрх судалгааны дүгнэлтийг үндэслэн Нийслэлийн Байгаль орчны газраас 2019 оны 3 дугаар сарын 26-ны өдөр байгаль орчны салбарын эрдэмтэн, судлаачид, эрдэм шинжилгээний байгууллага, их дээд сургууль, төрийн болон орон нутгийн өмчит үйлдвэрийн газрууд, ногоон байгууламжийн мэргэжлийн байгууллага, аж ахуйн нэгжүүдийг оролцуулсан хэлэлцүүлгийг зохион байгуулсан. Хэлэлцүүлгийн үр дүнд нийслэлийн ногоон бүсээс хар шороон хөрсийг олборлож хотын ногоон байгууламжид ашигладаг байдлыг өөрчилж, цэцэрлэгжүүлэлтэд цаашид лаг болон бусад органик гаралтай бордоог ашиглах нь зүйтэй гэсэн нэгдсэн дүгнэлтэд хүрсэн. Үүний дагуу холбогдох яамд болон мэргэжлийн байгууллагуудтай хамтран хар шороон хөрсийг орлуулах шинэлэг арга аргачлал, технологийг туршин нэвтрүүлээд байна.

Барилга, хот байгуулалтын яамтай хамтран Төв цэвэрлэх байгууламжийн лагийг боловсруулан бордоо гаргах төслийг “Ховд тул” ХХК, “Эко тайхи” ХХК-иуд хэрэгжүүлж, уг бордоог Нийслэлийн Байгаль орчны газраас хэрэгжүүлж буй ойжуулалтын төслүүдэд ашиглаж эхэлсэн.

Сүүлийн жилүүдэд шинэлэг технологийн дагуу цэцэрлэгжүүлэлт, зүлэгжүүлэлт, ногоон байгууламжид ашиглах бордоог хүнсний хаягдал, үртэс, сангас, бууц, малын яс, лагаас гарган авах технологи амжилттай нутагшиж байгаа бөгөөд Нийслэлийн Засаг даргын энэхүү шийдвэр нь хаягдлыг баялаг болгож эдийн засгийн эргэлтэд оруулах, орчны доройтол үүсгэж буй эх үүсвэрийг доройтол бууруулах арга технологи болгон хувиргах, хэрэглэгчид хар шорооны ашиглалтаас татгалзаж байгалийн гаралтай бордоонд шилжихэд чухал ач холбогдолтой гэж нийслэлийн Байгаль орчны газраас мэдээллээ.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Ихэнх нутгаар сэрүүсч, хур тунадас орно 9 цаг 18 минутын өмнө Нийслэлийн ИТХ дахь Ардчилсан намын бүлгийн ахлагчаар М.Тулгатыг сонгов 9 цаг 23 минутын өмнө Иргэдэд хэрэгтэй олон хуулийн төслүүд маань дэмжигдсэнгүй 9 цаг 31 минутын өмнө Ч.Улаан сайд аа! Уучлаарай чинь хэрэггүй, дахиж монголын төрд БИТГИЙ ОЙРТ 9 цаг 57 минутын өмнө Н.Номтойбаяр сонгуульд нэр дэвших болзлоо хангалаа 10 цаг 3 минутын өмнө 10000 программист бэлтгэх төсөл хэрэгжиж эхэллээ 10 цаг 50 минутын өмнө Монгол улс дэлхийн 30 улсаас 8498 иргэнээ эх оронд нь авчирчээ 11 цаг 14 минутын өмнө СЕХ-ноос Н.Энхбаярыг бүртгэхээс татгалзжээ 11 цаг 21 минутын өмнө БНХАУ гадаад улсын иргэдийг нэвтрүүлэхгүй байх шийдвэр хүчинтэй хэвээр байгаа гэв 11 цаг 29 минутын өмнө Монгол улсаас ОХУ-ын ард түмэнд 72 сая рублийн тусламж илгээлээ 12 цаг 45 минутын өмнө Шенгений бүсийн орнуудад зорчих хязгаарлалтыг сунгажээ 12 цаг 50 минутын өмнө Нийслэлийн 2000 цэгт хүний нүүр царайг таних ухаалаг камер суурилуулна 13 цаг 11 минутын өмнө "Салхитын ордын" хэргийн нотлох баримт 1.4 сая долларыг улсын орлого болгов 14 цаг 24 минутын өмнө Л.Мөнхтүшиг: Он гарснаас хойш 62111 хүн эх орондоо ирсэн 14 цаг 46 минутын өмнө Коронавирус: Эцэг, эх, асран хамгаалагчдад өгөх зөвлөгөө 15 цаг 53 минутын өмнө Алтанбулаг боомтоор эх орондоо ирэх иргэдийн АНХААРАЛД! 16 цаг 21 минутын өмнө Гадаадад гацсан монголчуудын эх орондоо ирэх сүүлчийн найдвар тасарлаа 16 цаг 56 минутын өмнө Цар тахлын нөхцөлд сонгууль зохион байгуулсан Солонгосын туршлага ийм 17 цаг 2 минутын өмнө Гурвалжингийн гүүрний доогуур байрлах авто замын хөдөлгөөнийг нээлээ 18 цаг 13 минутын өмнө Шатахууны үнийн асуудлаар мэдээлэл хийнэ 18 цаг 39 минутын өмнө
iИх уншсан
Х.Тэмүүжин: УИХ-д орж ирээд хулгай хийх, ах дүүгээ албан туш... Намын шалгуур үргэлж зөв байдаггүйг илтгэх цөөн баримт Орос гацааг хоёр хөршийн гацаа гэсээр байх уу? Үндсэн хуулийн өөрчлөлт: Цэцийг ч гэсэн сэгсрээд үзье Хожимдсон таван харуусал Эдийн засгийг “ХҮРЭЛСҮХ” хэмжүүрээр шинжихүй Эрүүдэн шүүсэн хэрэг: Эргэлзээтэй асуудлыг ил хэлэлцье Гадаадад гацсан монголчуудын эх орондоо ирэх сүүлчийн найдва... Цар тахлын нөхцөлд сонгууль зохион байгуулсан Солонгосын тур... П.Батчимэг: Дорнодод очихыг минь мэдээд нэг хүү зугтчих шиг ... В.Якунинаас С.Батболдод илгээгдсэн 4644 тоот захианы шаардла... Зорилтот бүлэгт чиглэсэн ипотекийн зээлийг арилжааны банкууд... Я.Санжмятав: Сонгууль нэлээд хүч тэнцвэргүй нөхцөл байдалд э... Франк Юнг: Бид энд тайван алхаж байгаа бол Германд ч гэлтгүй... Н.Баярмаа: Хайр гэдэг чинь нэг алдуурхаараа ухаанд дийлддэгг... О.Содбилэг гадаадаас ирж амжилгүй бүрэн эрхээ дуусгах нь Дэлхийн зөгийн өдөрт зориулав: Зөгийн нийгэмд үзүүлэх ач хол... Б.Хурц нарын 9 хүнд холбогдох шүүх хурал хойшлогдлоо УОК хөл хорио сунгах эсэхийг ирэх даваа гаригт хэлэлцэнэ "Урт цагаан” үйлчилгээний төвийг дахин төлөвлөх уралдааны ял...
Top