Европын Комисс (ЕК) Оросын нефтийн үнийн дээд хязгаарыг шинээр тогтоох гэж байгаа нь Европын Холбооны Оросын эсрэг хоригийн 18 дахь багцад баррель нефтийн үнийг 45 ам.доллар болгохоор тусгагдсан байна. Энхийн хэлэлцээр зогсонги байдалд орсон тул Орост шахалт үзүүлэх зорилгоор энэхүү шинэ хоригийг бэлтгэжээ. Гэсэн хэдий ч энэ нь хүлээгдэж буй үр дүнд хүргэх эсэх асуудал олон улсын шинжээчдийн дунд нээлттэй хэвээр байна.

Хятад улсын төв хэсэгт байрлах, 20 гаруй сая хүн амтай Ухань хот нь өнөөдөр тус улсын бизнес, эдийн засаг, аялал жуулчлалын голлох төвүүдийн нэг болон хөгжиж байна. Жилээс жилд гадаад, дотоодын хөрөнгө оруулагчид болон аялагчдын тоо нэмэгдэж буй нь Уханийн эдийн засагт томоохон түлхэц өгчээ. Үүний зэрэгцээ Хятадын төрийн өмчит байгууллагууд Уханьд “Хил дамнасан цахим худалдаа, аж үйлдвэрийн парк” байгуулж, олон улсын ачаа тээврийн зориулалттай онгоцны буудал болон цахим худалдааны цогц бүтээн байгуулалтыг үе шаттайгаар хэрэгжүүлж байна.

Улаанбаатар хотод энэ сарын 17-нд Эдийн засгийн бодлого, өрсөлдөх чадварын судалгааны төвөөс мэдээлснээр, Монгол Улс 2025 оны дэлхийн өрсөлдөх чадварын тайланд хамрагдсан 69 улсын дунд 65 дугаар байрт жагсжээ. Манай улс нийт 100 онооноос 40 оноо авч, өмнөх оныхоос таван оноогоор буурсан нь дөрвөн байр ухрах шалтгаан болжээ.

Үндэсний статистикийн хорооноос танилцуулсан 2025 оны тавдугаар сарын орон сууцны үнийн индексийн тайланд дурдсанаар, орон сууцны нийт үнэ өнгөрсөн оны мөн үетэй харьцуулахад 14.3 хувиар, харин өмнөх сараас 1 хувиар өссөн үзүүлэлттэй байна. Энэ нь сүүлийн нэг жилийн хугацаанд орон сууцны үнэ тогтвортой өсөлттэй байсныг илтгэж байна.

Нийгмийн даатгалын шимтгэлийн 2025 оны нэгдүгээр улиралд нийт 53.7 мянган аж ахуйн нэгж, байгууллага (ААНБ)-аас 811.6 мянган ажиллагч хамрагджээ. Энэ нь өмнөх оны мөн үетэй харьцуулахад шимтгэл төлсөн ААНБ 4400-аар, ажиллагчид 58.2 мянгаар нэмэгдсэн үзүүлэлт юм.

Монгол Улс 2025 оны тариалалтын жилд нийт 650.1 мянган га талбайд тариалалт хийхээр төлөвлөж, улаанбуудайн 310.1 мянган га, төмсний 17.1 мянган га, хүнсний ногооны 16.5 мянган га, малын тэжээлийн 144.1 мянган га, тосны ургамлын 103.7 мянган га, жимс жимсгэнэ 7.9 мянган га талбайд тус тус тариална гэсэн зорилго тавиад байна.

Улаанбаатар хот 2024 онд нийтийн тээврийн салбарт цогц шинэчлэл хийсний үр дүнд нийтийн тээврийн орлого түүхэндээ анх удаа огцом өсөлттэй гарлаа. Тодруулбал, нийтийн тээврээр зорчих иргэдийн тоо, зорчилтын давтамж нэмэгдэж, зохион байгуулалт, хяналт сайжирснаар 2025 оны эхний таван сарын байдлаар нийт орлого 22 тэрбум төгрөгөөс давсан байна.

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор “Даян дэлхийн энх тайван, тогтвортой хөгжилд төр, хувийн хэвшлийн оролцоо” сэдэвт олон улсын санаачилга уулзалт Зэвсэгт хүчний сургалтын нэгдсэн төвд зохион байгуулагдаж байна. Энэхүү уулзалт нь “Хааны эрэлд-2025” энхийг дэмжих ажиллагааны олон улсын сургуулийн хүрээнд болж буйгаараа онцлог бөгөөд цэргийн алба хаагчид болон үндэсний үйлдвэрлэл, олон улсын хамтын ажиллагааны холбогч гүүр болж байна.

Архангай аймгийн Хотонт, Цэнхэр сумын нийт 3000 га талбайд ойн хөнөөлт шавжтай тэмцэх ажлыг “Гранд форест” ХХК улсын төсвийн хөрөнгөөр гүйцэтгэж эхэлжээ. Энэхүү ажил зургадугаар сарын 13-наас албан ёсоор эхэлсэн бөгөөд дрон технологи ашиглан ойн сангийн эрүүл мэндийг хамгаалах, хөнөөлт шавжийн тархалтыг хязгаарлах зорилготой юм.

Нийслэлийн Захирагчийн ажлын албанаас 2025 оны зургадугаар сарын 16-наас 20-ны өдрүүдэд нөөцийн махны өргөтгөсөн худалдааг зохион байгуулж байна. Энэхүү худалдаа нь иргэдийн хүнсний махны хэрэгцээг хямд үнээр хангах, махны үнийн өсөлтөөс сэргийлэх зорилготой юм.

Израилын зүгээс Иранд цохилт өгснөө мэдэгдсэн нь Ойрх Дорнод дахь хурцадмал байдлыг улам даамжруулж, дэлхийн газрын тосны зах зээлд хүчтэй цочрол өглөө. Үүний улмаас өнөө өглөө Brent төрлийн нефтийн үнэ таван хувиар өсөж, торх нь 73.27 ам.долларт хүрсэн нь сүүлийн хоёр сар гаруйн хугацаан дахь хамгийн өндөр түвшинд тооцогдож байна. Энэ нь дөрөвдүгээр сарын гуравнаас хойших дээд хэмжээ юм.

Олон улсын хэмжээнд зургаадугаар сарын 27-нд тэмдэглэдэг Бичил, Жижиг, Дунд Үйлдвэрүүдийн (БЖДҮ) өдрийг угтан Монгол Улсын Засгийн газраас энэ сарын 12-15-ны өдрүүдэд үндэсний хэмжээний үзэсгэлэн, арга хэмжээг зохион байгуулж эхэллээ. Энэхүү арга хэмжээ нь БЖДҮ-ийн тогтвортой өсөлтийг дэмжих, бүтээгдэхүүн үйлчилгээний борлуулалтыг нэмэгдүүлэх, бизнесийн түншлэл бий болгох зорилготой юм.

“Метро ба газар доорх байгууламж – олон улсын туршлага” сэдэвт сургалт өчигдрөөс эхэлж, дэлхийн улс орнуудын инженер, эрдэмтэд туршлагаа хуваалцаж байна. Сургалтын хоёр дахь өдөр “Барилгын салбар дахь төр ба хувийн хэвшлийн түншлэл” сэдвээр олон улсын дугуй ширээний ярилцлага зохион байгуулагдаж, төр-хувийн хэвшлийн түншлэлийн (ТХХТ) бодлого, хэрэгжилтийн талаар өргөн хүрээнд хэлэлцэж байна.

Comex бирж дээр энэ даваа гарагт хийсэн оройн арилжаагаар 2025 оны зургаадугаар сард нийлүүлэх мөнгөний фьючерсийн үнэ 13 жилийн дараа анх удаа унци нь $37.027 долларт хүрч, 2.41 хувийн өсөлттэй арилжаалагдлаа. Энэ нь 2012 оны хоёрдугаар сарын 29-нөөс хойших хамгийн өндөр ханш болсон юм. Гэсэн ч өсөлт удааширч, дараагийн өдрийн арилжаанд мөнгөний үнэ унци нь $36.7 долларт тогтжээ.

Монголбанк, Швейцарын “Хариуцлагатай алтны холбоо” болон дэлхийд нэр хүндтэй “Аргор Хераиус” алт цэвэршүүлэх үйлдвэр хамтран ажиллах санамж бичиг байгууллаа. Энэ хамтын ажиллагааны хүрээнд Монгол Улсад үйл ажиллагаа явуулж буй жижиг, дунд алт олборлогчид болон бичил уурхай эрхлэгчдийн олборлосон алтыг олон улсын үнэт эдлэлийн зах зээлд түүхий эд байдлаар нийлүүлэх нөхцөл бүрдэх юм.

Швейцарын Женев хотноо энэ сарын 2-13-нд болж буй Олон улсын хөдөлмөрийн байгууллагын (ОУХБ) 113 дугаар чуулганд Монгол Улсаас Элчин сайд, Байнгын төлөөлөгч Д.Гэрэлмаа тэргүүтэй төлөөлөгчид оролцож байна. Чуулганы хүрээнд энэ сарын 5-ны өдөр болсон нэгдсэн хуралдаанд Элчин сайд Д.Гэрэлмаа үг хэлж, Монгол Улсын хөдөлмөр, нийгмийн салбарт хэрэгжүүлж буй шинэчлэл, бодлого, арга хэмжээг танилцууллаа.

Монгол Улсын Ерөнхийлөгчийн санаачилсан “Хүнсний хувьсгал” хөдөлгөөн болон Засгийн газрын “Атрын IV” аяны хүрээнд хөдөө аж ахуйн салбарыг дэмжих бодит ажлууд үр дүнтэй хэрэгжиж байна. Энэ хүрээнд “Хөдөө аж ахуйн корпораци” ТӨХХК нь газар тариалангийн үйлдвэрлэлийн үр ашгийг нэмэгдүүлэх, хөрсний үржил шимийг хамгаалах зорилгоор цогц стратеги, олон улсын шилдэг туршлагыг нутагшуулж эхэлжээ.

Улаанбаатар хотод 2025 оны зургаадугаар сарын 9-ний байдлаар гол нэрийн зарим барааны үнэ өмнөх долоо хоногтой харьцуулахад 0.6 хувь, өмнөх сараас 1.6 хувиар өссөн байна.

Санхүүгийн зохицуулах хорооны дарга Т.Жамбаажамц өнөөдөр Олон улсын валютын сангийн (ОУВС) Монгол Улсыг хариуцсан ажлын хэсгийн төлөөлөгчидтэй уулзалт хийлээ. Уулзалтын эхэнд дарга Т.Жамбаажамц санхүүгийн салбарын тогтвортой байдлыг хангах, бэхжүүлэх чиглэлд хэрэгжүүлж буй бодлого, үйл ажиллагааны талаар танилцуулсан юм.

Монгол Улс 2025 оны эхний таван сарын байдлаар нийт 5.4 тэрбум ам.долларын бараа, түүхий эд экспортолжээ. Энэ нь өнгөрсөн оны мөн үетэй харьцуулахад 14.5 хувиар буурсан үзүүлэлт болохыг Гаалийн ерөнхий газар мэдээлсэн байна.