Монголын шатрын холбоо болон Азийн шатрын холбоо хамтран Ази тивийн 3.3 бүсийн аварга шалгаруулах тэмцээнийг Улаанбаатар хотноо анх удаа зохион байгуулах гэж байна. Энэ сарын 22-нд эхлэх тус тэмцээнд эмэгтэйчүүд 1800, эрэгтэйчүүд 2000-аас дээш олон улсын чансаатай бол оролцох боломжтой бөгөөд бүсийн хүчирхэг орнуудын шилдэг шатарчид оюун ухаанаа сорихоор хуран чуулах юм.

Словенийн тамирчин Домен Превц ням гарагт 254.5 метрийн харайлт хийснээр трамплин харайлтын дэлхийн шинэ дээд амжилтыг тогтоолоо. Уг амжилт нь Словенид болсон цанын харайлтын дэлхийн цомын тэмцээний хоёрдугаар шатны үеэр бүртгэгдсэн бөгөөд тэрбээр хоёр бүтэн, нэг хагас хөлбөмбөгийн талбайтай тэнцэх уртад харайсан байна.

УИХ дахь Монгол Ардын Намын бүлэг өчигдрийн хуралдаанаараа Хууль тогтоомжийн тухай хууль болон Зөвшөөрлийн тухай хуульд нэмэлт, өөрчлөлт оруулах тухай хуулийн төслийг хэлэлцэж, үзэл баримтлалын хүрээнд дэмжих шийдвэр гаргалаа.

Монгол Улсын үндэсний брэнд болох төгрөгийн картыг БНХАУ-ын тусгай захиргааны бүс Хонгконгийн төлбөрийн сүлжээнд ашиглах боломж бүрдлээ. Тодруулбал, ₮ логотой худалдаа, үйлчилгээний цэгүүдэд уг картыг хэрэглэж болох бөгөөд цаашид метро, такси, түргэн үйлчилгээний дэлгүүр зэрэг өдөр тутмын хэрэглээнд өргөжүүлэхээр төлөвлөж байна.

Францын "Үндэсний нэгдэл" намын удирдагч Марин Ле Пенийг шүүхээс дөрвөн жилийн хорих ял оноож, таван жилийн хугацаанд шүүхийн шийдвэрт оролцох эрхийг хассан тухай мэдээллийн дараа түүний өмгөөлөгч Родольф Босселю шүүхийн шийдвэрийг даван заална гэж мэдэгдлээ.

Мьянмарт 7.7 болон 6.4 магнитудын дараалсан хүчтэй газар хөдлөлт болсны улмаас 1700 гаруй хүн амиа алдаж, 3400 орчим хүн шархаджээ. Олон зуун хүн сураггүй алга болсон талаар тус улсын эрх баригчид ням гарагт мэдээлсэн бөгөөд АНУ-ын Геологийн албаны загварчилсан үнэлгээгээр энэхүү гамшгийн улмаас амь үрэгдэгсдийн тоо 10 мянгаас давж болзошгүйг Reuters онцолжээ.

Хүн амын суваргын хэтийн төлвөөр идэвхтэй донор /24-45 нас/-ын хүн амын тоонд эзлэх хувь буурахаар байгаа бөгөөд цус, цусан бүтээгдэхүүний нөөц, хангамжийн тасралтгүй байдлыг хангах нь чухал асуудал болжээ.

Сургуулилалтад хуурай замын цэргийн болон пуужинт анги нэгтгэлүүд, Тэнгисийн цэргийн хүчний хөлөг онгоцууд, Агаарын цэргийн хүчин оролцож байна. "Энэ бол Тайванийн тусгаар тогтнолыг дэмжигч салан тусгаарлах хүчнийхэнд өгч буй хатуу сануулга юм" гэж Хятадын Ардын Чөлөөлөх Армийн (ХАЧА) Дорнод бүсийн командлалын төлөөлөгч Ши И мэдэгджээ. 

Газар хөдөлснөөс хойш гурван хоног өнгөрсөн тул нурангин дороос амьд үлдсэн хүмүүсийг аврах найдлага бараг үгүй болсон тухай AFP агентлаг мэдээлжээ. Түүнээс гадна +40 хэм хүртэл халж байгаа учраас эрэн хайх, аврах ажиллагаанд хүндрэл учирч байна. Газар хөдлөлтийн голомтоос холгүй орших Мандалай хотод хэт халсны улмаас цогцсууд ялзран задарч байгаа учраас амиа алдсан хүмүүс хэн болохыг тогтооход хүндрэлтэй болжээ.

Тэргүүн шадар сайд Л.Гантөмөр БНХАУ-ын Төрийн зөвлөлийн Ерөнхий сайдын орлогч Дин Шюэшянтай уулзаж, хоёр талын харилцаа, хамтын ажиллагаа, уул уурхайн бүтээгдэхүүний экспорт, дэд бүтцийн бүтээн байгуулалт, шинжлэх ухаан, технологийн паркийн талаар санал солилцов.

Унгар улсын Будапешт хотноо болох Мадач олон улсын театрын 12 дахь удаагийн наадамд Б.Цогнэмэхийн зохиол, найруулагч Төрийн соёрхолт, Урлагийн гавьяат зүтгэлтэн Н.Наранбаатарын найруулга “Тэнгэрийн хүү” түүхэн туульсын жүжгээр оролцоно.

Иргэдийн гол хэлж байгаа асуудал бол нэмэгдсэн өртгийн албан татвар. НӨАТ худалдан авалтад оногдож байгаа учраас дундаж хэрэглээний бараа, таваар, талх гурил, мах гээд бүтээгдэхүүнүүд дээр НӨАТ-аа бүгдийг нь буцаан авдаг болъё. Одоо 10 хувиас хоёр хувь л авч байгааг болиулж, бүгдийг нь авдаг болъё.

Нийслэлийн ... дугаар цэцэрлэгийн эрхлэгчээр ажиллаж байсан С.О, нягтлан бодогч Ц.Б нар нь албаны эрх мэдэл, албан тушаалын байдлаа урвуулан ашиглаж, бохир ус соруулах ажил гүйцэтгэх гэрээ байгуулж, ажиллуулж байхдаа бохир ус соролтын тоо, хэмжээг нэмэгдүүлэн 15.7 сая төгрөгийн илүү төлбөр гаргуулан авч, хувьдаа завшсан хэргийг тойргийн шүүхэд шилжүүлжээ.

Эрүүл хамгаалах ч боловсрол олгох ч тогтолцооны үндсэн зарчим нь бизнес юм. Эдгээр нь дэлхийн хэмжээнд хамгийн ашигтай, хамгийн том бизнесийн нэгэнд хамаардаг. Чухам ийм зарчим дээр суурилснаар эрүүл мэнд боловсролын салбар бүхэнд хүртээмжтэй, өндөр чанартай тогтолцоо болдог. Эрүүл мэндийг бизнесийн зарчимтай болгосноор нийгмийн бага орлоготой, төлбөрийн чадвар ядмаг, хүүхэд болон хөгжлийн бэрхшээлтэй хэсгээ хөсөр хаяна гэсэн үг биш, орлого сайтай баян таргануудаа хонхойтол нь шулна гэсэн ч хэрэг биш. Асуудал яаж зохицуулснаас хамаарна, хаана ч тэгдэг.

Инээдмийн баярыг хэн санаачилсан, хэрхэн үүссэн талаар тов тодорхой баримт үлдээгүй ч улс орнууд тэмдэглэсээр иржээ. Бүх нийтээрээ, нийгмээрээ ч “молиго” үмхэх энүүхэнд.

Хэнтийн уулархаг нутаг, Дорнод-Дарьгангын тал нутаг, Онон, Улз, Халх голын хөндийгөөр нойтон цас, цас орж, явган шуурга шуурна. Бусад нутгаар хур тунадас орохгүй.

БНХАУ-д аялах үедээ бичиг баримтаа гээсэн бол Элчин сайдын яамны шуурхай утас +86 176 0078 7323, +86(10) 6532 1203 болон beijing@mfa.gov.mn, beijing.consul@mfa.gov.mn цахим хаягт хандахыг зөвлөж байна.

Хөдөлмөрийн хөлсний доод хэмжээг шинэчлэн тогтоосноор 660 мянган төгрөгөөс 89.100 төгрөгийн нийгмийн даатгалын шимтгэл төлдөг байсан иргэн, 792 мянган төгрөгөөс 106.320 төгрөгийн нийгмийн даатгалын шимтгэл төлнө.

2024-2025 оны хичээлийн жилийн хоёрдугаар улирлын бие даалтын 7 хоног нийслэлийн ерөнхий боловсролын сургуулиудад энэ сарын 31-ний өдрөөс эхэлж, дөрөвдүгээр сарын 4-нийг дуустал үргэлжилнэ. Энэ хугацаанд сурагчид сургуулийн танхимын бус орчинд амьдралын аюулгүй байдлын мэдлэг, чадварыг эзэмших, бие махбод, оюун ухаанаа хөгжүүлэх хөтөлбөрүүдэд хамрагдах юм.

2025 оны гуравдугаар сарын 24-28-ны хооронд прокурорын байгууллага хэрэг бүртгэлтийн 50,878, мөрдөн байцаалтын 3,185 хэрэгт хяналт тавьж, эрүүгийн 274 хэрэгт яллах дүгнэлт үйлдэн шүүхэд шилжүүлжээ.