x

Н.Уртнасан сайдын мэдэгдэл Засгийн газрыг огцруулах хэмжээний асуудал мөн

Олон нийтийн сүлжээнд тавигдсан БОАЖ-ын сайдын элэглэл

 

Манай энэ сөрөг хүчин, сөрөг намууд гэж үнэнхүү "ухаанд ухна унаж үхсэн" нөхөд байна аа. Тэдний оронд тэнэг Иван байсан ч хааныг ширээнээс нь буулгах хангалттай шалтгаанууд өнгөрсөн хугацаанд гарлаа. Харин нөхөд эзэнтэй, эзэнгүй тамганы хэрүүл хийсээр гурав дахь онтойгоо золгов. Ялангуяа өнгөрөгч долоо хоногт БОАЖ-ын сайдын хийсэн мэдэгдэл бол дангаараа Засгийн газрыг огцруулж болох сэдэв мөн.

Ялангуяа “Утаа гаргаж байгаа өрхүүдийг дроноор илрүүлнэ” гэсэн түүний тэнэг мэдэгдлийн араас манай зарим хэвлэлийнхэн /erennews.mn/ алгаа ташин давхиж очоод иргэдийн гэр орныг нэгжиж, бичлэг хийж цацсан явдал байдлыг улам хурцатгав. Хүн алсан этгээдийг хүртэл зураг хөргийг нь гаргахдаа нүүрийг нь нуудаг байсан (нэгд, тэр хүнийг гэмт хэрэгтэн гэдгийг шүүхээр тогтоогоогүй учраас, хоёрт гэмт хэрэгтэнд ч гэсэн гэр бүл, үр хүүхэд гэж байдаг учраас тэднийг нь давхар яллаж болохгүй гэдэг үүднээс) “хүний эрхийг хамгаалагчид маань” утаа гаргасан шалтгаанаар гэрт нь давхиж ороод “Яагаад утаа гаргав, ямар түлш түлэв?” хэмээн бүлтэгнүүлж, ямар ч цензүргүйгээр бичлэгээ цацсан явдал нь хүний эрхийн ноцтой зөрчилд оруулав.

Гээд биднийг энд бичлэг нь цацагдсан нэг иргэний эрх, нэр төрийн асуудал ярьж байх хооронд нийслэлийн сая 600 мянган иргэний эрх зөрчигдсөн хэвээр. Утаа дахиад гамшгийн түвшинд хүрэв. "Угаартаж үхлээ" гэж хэлснийхээ төлөө иргэд цагдаад баригдаж, хоригдож байна. У.Хүрэлсүх “Утаанаас чинь салгасан шүү” гэж хэлээд Ерөнхийлөгч болсон бол Л.Оюун-Эрдэнэ утаанд нь эргээд живүүлж байна. Атал манайхан ганц Н.Уртнасан сайдтай л амаараа дайтсаар. УИХ дахь сөрөг хүчин нь бүр угаартаад үхсэний дайтай нам, таг шүү.

Ер нь бол утааны асуудал ганц сайдтай холбоотой ч асуудал биш, Засгийн газрын хэмжээний бодлогын том асуудал. Н.Уртнасан сайдад утааг арилгах хэмжээний бодлого, хүний нөөц, хөрөнгө чадавхи ч байхгүй. “Утаа гаргасан өрхүүдийг дроноор шалгана” гэж хэлсэн нь ч гэсэн Н.Уртнасангийн өөрийнх нь үг биш л болов уу. Хэрвээ тийм байсан бол Л.Оюун-Эрдэнэ сайд хамгийн түрүүнд түүний "толгойг авах" байсан биз. Тийм эрх мэдлийг Үндсэн хуулийн нэмэлт өөрчлөлтөөр Ерөнхий сайдад олгосон. Нэг удаа чөлөөлж болсон юм, хоёр дахиа яагаад болохгүй гэж?

Асуудлын гол нь энэ Засгийн газарт ийм томдсон асуудал ярих хэмжээний хүний нөөц, чадавхи, бодлого алга аа л гэсэн үг. Байхгүй учраас Б.Уртнасан ийм мэдэгдэл хийж, байхгүй учраас Л.Оюун-Эрдэнэ нь “Битгий намайг дуудаасай” гээд ханцуйдаа залбираад сууж байна. Уг нь утааны асуудлыг Байгаль орчны сайдтай биш, Ерөнхий сайдтай ярих ёстой юм. Түлш үйлдвэрлэж байгаа компанид ч нэг их хамаагүй. Үйлдвэрлэж байгаа түлшний орц найрлагыг шалгаж, үйлдвэрлэсэн хойно нь түршилтанд оруулж, түүнээс гарч байгаа бохирдлыг хэмжээг тогтоох гэх мэт нь бүх шат дамжлагад Засгийн газар хяналт тавьж ажиллах ёстой ажил. Түлшний үйлдвэр түүхий эдээр тасарсан нь ч гэсэн тэдний буруу болно. Төрийн өмчит компани шүү дээ, хувийн компани биш. Тэгэхээр хариуцлага нь Засгийн газарт байх учиртай.

Ер нь ч тэгээд Улаанбаатар хотыг утаагүй байлгах нь хотын даргын асуудал болохоос Байгаль орчны сайдын асуудал биш. Өмнө нь нэг удаа Байгаль орчны сайд нь нүүрс шуудайлж байгаад шоронд орсон. Тэр үеэс л хурцдаад эхэлсэн асуудал. Тэр үед гэр хорооллынхон жинхнээсээ "бахрийшиг" түлдэг байсан, нүүрсний үнэ дийлдэхээ больсон байсан. Харин одоо Байгаль орчны сайд нь “Утаагүй түлш хямд байгаа учраас иргэд ихээр түлээд, утаа гаргаад байна” гэж загнаж байна. Үнэтэй нүүрсийг бага хэмжээгээр түлбэл утаа гарахгүй нь л дээ. Ийм ч “мэргэн ухаан” байх гэж.

Асуудлын гол нь ингэж хэлсэн сайдад байгаа юм биш. Засгийн газарт, Л.Оюун-Эрдэнэд өөрт нь байна гэдгийг түрүүнд хэлсэн. Эрх биш тэр хүнд нэг нь “Тэгж хэл” гэж чиглүүлсэн, зөвлөсөн, тийм мэдээлэл өгсөн байх. Уртнасан сайд өөрөө зохиогоогүй нь лав. Тэгсэн бол аль эрт “толгойгоо авахуулах” хэмжээний мэдэгдэл шүү. Тийм эргүү сайдаас эртхэн салах ёстой.

Ер нь бол Л.Оюун-Эрдэнийн танхимын сайд нарын удаа дараа хийж буй эргүү балай мэдэгдэл болгоны төлөө Л.Оюун-Эрдэнэтэй өөртэй нь хариуцлага ярих ёстой. Тэгж байж Засгийн газар танхимын зарчмаар ажиллана. Нэгдсэн бодлоготой, нэг удирдлагатай явна. Тэгэхгүй дурын тэнэг нь гарч ирээд дуртай зүг рүүгээ чирээд, самраад байвал тэр нь Засгийн газар биш, галзуугийн эмнэлэг болно. Угаасаа ч болчихоод байна л даа. Тийм учраас утааны асуудлыг Ерөнхий сайдтай ярья. “Утааг устгасан” гэж хэлээд У.Хүрэлсүх Ерөнхийлөгч болж байсан. Хэрвээ устгасан нь үнэн юм бол өнөөдөр утаанд живүүлчихээд байгаа Л.Оюун-Эрдэнийг Ерөнхий сайдаас огцруулъя. Ядаж л “Утаа нэмэгдсэн нь ийм шалтгаантай. Тэр, энэ нөхөд буруутай, тийм, ийм арга хэмжээ авч байна” гэдэг тайлбартай суух ёстой биз дээ, энэ хүн. Атал тийм ч юм алга. Үнэхээр нэг үл тоож чадаж байна аа...

Б.СЭМҮҮН  

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • Зочин (172.68.50.24)
    Buzruud
    2022 оны 01 сарын 18 | Хариулах
  • гэр амидргсад (172.69.252.148)
    болж муу авгайг хол хөөж явуул худлаа ярна хэн түүхий нүүрс түлээд бган түүхий нүүрсний бараа харлгүй 2.3 жлн нүүр үзэж бна ерн ард түмнг их даарасн дээрлхсэн цараи гаргасан ажллааа мэдхгүй юу чмэдхгүй бж мэдсн дүр эсгэсэн хохино
    2022 оны 01 сарын 17 | Хариулах
iШинэ мэдээ
Хууль бус хөрөнгө хураан авах тухай хуулийн төслийг УИХ-д өргөн барина 3 цаг 44 мин Ш.Алтангадас: Ерөнхийлөгчийн бүрэн эрхийг УИХ-ын дарга хэрэгжүүлэх нь хуулийн практикт цоо шинэ нөхцөл үүсгэж байна 3 цаг 58 мин Ч.Өнөржаргал: Цагдаагийн байгууллага хүний нэр хүндэд халдаж байна 4 цаг 11 мин У.Хүрэлсүх эргэн ирэлт хийх үү? 6 цаг 36 мин Дээд шүүхийн “дээвэр” нурчихсан уу? 6 цаг 46 мин Ерөнхий сайд аа, АТГ, УЕПГ Таны “Ажлын алба” биш! 7 цаг 25 мин Цахилгааны 1.05 сая тоолуурын 855.1 мянгыг нь ухаалаг тоолуурт шилжүүлжээ 7 цаг 36 мин Ц.Идэрбат: Тариалан эрхлэгчдэд олгох хөнгөлөлттэй зээлийн хүртээмжийг нэмэгдүүлнэ 7 цаг 54 мин Нөмрөгийн түймрийн хохирлын үнэлгээг хуулийн байгууллагад шилжүүлжээ 8 цаг 2 мин Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна 8 цаг 13 мин Г.Ганбаатар: Засгийн газрын өр 16 тэрбум ам.долларт дөхсөн нь цаашид анхаарах ёстой маш том дохио 8 цаг 23 мин Монгол Улс ба НҮБ-ын Тогтвортой хөгжлийн хамтын ажиллагааны 2028-2032 оны хүрээг хэлэлцэв 21 цаг 50 мин “Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна 22 цаг 8 мин Юун Ялта, юун дэлхийг хуваах! 22 цаг 37 мин Шөнийн автобус 22:00-02:00 цагийн хооронд үйлчилж байна 22 цаг 43 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 22 цаг 48 мин Засгийн газар: Төрийн өмчит компанийн тоог 85 болгон цөөлнө 23 цаг 33 мин ТББХ Ерөнхийлөгчийн чөлөөлөгдөх хүсэлтийг дэмжлээ 23 цаг 46 мин З.Мэндсайхан: Оюу Толгойн хэлэлцээрийн баг удахгүй ирнэ Өчигдөр 10 цаг 05 мин Мэдээж “Ар нь түүз!” Өчигдөр 09 цаг 53 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Юун Ялта, юун дэлхийг хуваах! Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Д.Трамп Хятадад Ким Жөн Унтай уулзаж магадгүй гэв Цагаачд иргэдийн шинэ цуваа АНУ-ын хилийг чиглэв Энэ онд 51 байршилд 63.47 км авто замыг шинэчлээд байна “Герман, Франц улсад суралцсан анхны эмэгтэйчүүд” үзэсгэлэнг... Хятадын арбитр: Манай төрийн өмчит банкуудаас татсан зээлүүд... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top