Жүдо бөхийн насанд хүрэгчдийн 2025 оны дэлхийн аварга шалгаруулах тэмцээн Унгарын нийслэл Будапешт хотноо энэ сарын 13-19-ний өдрүүдэд зохион байгуулагдана. Энэхүү тэмцээнд 93 орны 563 жүдоч өрсөлдөх бөгөөд Монгол Улсаас 20 тамирчин оролцохоор мэдүүлгээ өгөөд байна.

Английн Лондон хотод маргааш эхлэх 2025 оны багийн дэлхийн аварга шалгаруулах түргэвчилсэн (рапид) болон түргэн (блиц) тоглолтын шатрын тэмцээнд Монгол Улсаас гурван баг оролцохоор өнөөдөр зорьж байна. Долоон өдөр үргэлжлэх энэ тэмцээнд дэлхийн шилдэг 54 баг өрсөлдөх бөгөөд манай багууд бүрэн бүрэлдэхүүнээрээ оролцох юм.

Канадын усанд сэлэлтийн 18 настай авьяаслаг тамирчин Саммер Макинтош бямба гарагт болсон “Canadian Swimming Trials” тэмцээний үеэр 400 метрийн чөлөөт сэлэлтийн төрөлд 3 минут 54.18 секунд-ийн амжилтаар дэлхийн шинэ дээд амжилт тогтоолоо. Түүний энэхүү амжилт нь 2024 оны Парисын Олимпод түрүүлсэн Австралийн Ариарне Титмусийн өмнөх дээд амжилтаас бүхэл нэг секундээр илүү байсан нь онцгой үйл явдал боллоо.

Вьетнамын нийслэл Ханой хотноо Азийн эмэгтэйчүүдийн волейболын “AVC Nations Cup” тэмцээн болж байгаа бөгөөд энэ удаагийн тэмцээнд Монголын эмэгтэйчүүдийн шигшээ баг оролцож, “B” хэсэгт өрсөлдөж байна. Хэсгийн тоглолтууд эхлээд буй бөгөөд манай баг эхний хоёр тоглолтоо хийж, харамсалтайгаар хожигдлоо.

Испанийн шилдэг теннисчин Карлос Алькарас Францын нээлттэй тэмцээн буюу Ролан Гарросын эрэгтэйчүүдийн ганцаарчилсан төрлийн финалын тоглолтод Италийн Янник Синнерийг 3:2 харьцаагаар буулган авч, түүхэн ялалт байгууллаа. Энэхүү финал таван цаг 29 минут үргэлжилсэн нь Ролан Гарросын түүхэнд хамгийн удаан үргэлжилсэн эрэгтэйчүүдийн тоглолт болж шинэ дээд амжилт тогтоов.

Нийслэлийн есөн дүүргийг төлөөлсөн есөн багийн нийт хорин долоон бөх хүч үзэж буй Нийслэлийн аварга шалгаруулах 3x3 барилдааны эхний өдөр дөрвөн тойргийн барилдаан амжилттай болж өндөрлөлөө. Дүүрэг бүр гурван бөхийн бүрэлдэхүүнтэй оролцож байгаа бөгөөд барилдаан тойргийн журмаар өрнөж байна.

Спорт сонирхогчдын хувьд энэ зургадугаар сар дүүрэн үйл явдалтай, олон улсын анхаарал татсан тэмцээн уралдаанууд болон Монголын баг, тамирчдын оролцох чухал уралдаануудтай сар болж байна. NBA болон NHL-ийн финал, Үндэстнүүдийн цом, Клубуудын ДАШТ зэрэг дэлхийн хэмжээний тулаануудын зэрэгцээ Монголын спортын амжилтыг дэлхийд харуулах боломж нээлттэй байна. Ингээд энэ сард Монголын төлөөлөл оролцох онцлох тэмцээнүүдийг дараах байдлаар түүвэрлэн хүргэж байна.

УЕФА-гийн Үндэстнүүдийн лигийн хагас шигшээ шатны хоёр дахь тоглолт Штутгарт хотод болж, Испанийн шигшээ баг Францыг 5:3-аар буулган авснаар финалын эрхээ авлаа. Хоёр багийн энэхүү тоглолт үзэгчдийг уйдаасангүй, нийт найман гоол орсон өндөр оноотой тулаан болсон юм.

Дэлхийн боксын холбоо (World Boxing) бүх тэмцээн уралдаанд оролцох тамирчдыг хүйсийн шинжилгээнд заавал хамруулах тухай мэдэгдэлдээ Алжирын олимпын аварга Иман Хелифийн нэрийг дурдсан нь хувь хүний мэдээллийг зөрчиж болзошгүй хэмээн уучлалт хүсжээ. Тус мэдэгдэлд түүний хувийн мэдээллийг задруулсан нь зохимжгүй байсан хэмээн холбооны ерөнхийлөгч Борис ван дер Ворст онцлон тэмдэглэсэн байна.

Монголын хүүхдийн спортын зуны VIII наадмын хүрээнд зохион байгуулагдаж буй бүжгийн спортын төрлийн тэмцээн үргэлжилж байна. Тус наадам энэ оны тавдугаар сарын 28-наас зургаадугаар сарын 6-ны хооронд зохион байгуулагдаж байгаа бөгөөд улс орон даяар нийт хүүхэд, өсвөр үеийн авьяаслаг тамирчдыг хамруулсан томоохон спортын арга хэмжээ болоод байна.

УЕФА-гийн Үндэстнүүдийн лигийн хагас шигшээ тоглолтод Германы хөл бөмбөгийн шигшээ баг Португалын багт 1:2-оор ялагдал хүлээлээ. Тоглолт энэ сарын 5-ны орой Мюнхен хотын “Альянц Арена” цэнгэлдэх хүрээлэнд болсон бөгөөд талбайн эзэд тооны харьцааг нээсэн ч давуу байдлаа хадгалж чадалгүй хожигдсон байна.

Дэлхийн шатрын холбооноос 2024 онд Унгарт болсон шатрын олимпиадад амжилттай оролцсон Монгол Улсын шигшээ багт 2025 оны дэлхийн цомын тэмцээнд оролцох эрэгтэй, эмэгтэй тус бүр нэг эрхийг олгосон. Энэхүү эрхийн төлөө Монголын шилдэг шатарчид тойргийн журмаар өрсөлдөж, эцсийн шалгаруулалт амжилттай болж өнгөрлөө.

Челси баг Английн залуу довтлогч Лиам Делапыг олон багийн өрсөлдөөн дундаас амжилттайгаар 30 сая фунтаар элсүүлж, томоохон наймааг хийлээ. Делапыг гартаа оруулахын төлөө Манчестер Юнайтед, Эвертон, Ноттингем Форест, Ньюкасл зэрэг нэр бүхий багууд тууштай өрсөлдсөн ч Челсигийн гурван зүйл давуу тал болсон юм: Аваргуудын лигт оролцох эрх, Коул Палмер зэрэг залуу бүрэлдэхүүнтэй хамт тоглох боломж, мөн Премьер лигийн хамгийн залуу багийн нэг болох нь.

Мэргэжлийн сумогийн 69 дэх их аварга Хакүхо М.Даваажаргал Японы Сүмогийн холбооноос гарах өргөдөл гаргасантай холбогдуулан тус холбооны Гүйцэтгэх зөвлөл ээлжит бусаар хуралдсан бөгөөд Хакүхо энэ сарын 9-нөөс албан ёсоор холбооноос гарахаар болсныг өчигдөр гаргасан албан мэдэгдэлдээ дурджээ.

3х3 төрлийн сагсан бөмбөгийн дэлхийн аварга шалгаруулах тэмцээн энэ зургадугаар сарын 23-нд Улаанбаатар хотын Д.Сүхбаатарын талбайд эхэлнэ. 30 гаруй орны шилдэг багууд оролцох тус тэмцээнд Монголын эрэгтэй, эмэгтэй баг өрсөлдөхөөр бэлтгэлээ хангаж байна.