Жүдо бөхийн насанд хүрэгчдийн 2025 оны дэлхийн аварга шалгаруулах тэмцээн Унгарын нийслэл Будапешт хотноо энэ сарын 13-19-ний өдрүүдэд зохион байгуулагдана. Энэхүү тэмцээнд 93 орны 563 жүдоч өрсөлдөх бөгөөд Монгол Улсаас 20 тамирчин оролцохоор мэдүүлгээ өгөөд байна.

Баг тамирчдын эхний хэсэг өнөөдөр Унгарыг зорьсон бөгөөд манай тамирчид жингийн ангилал тус бүрт дараах бүрэлдэхүүнтэй оролцоно. Мөн холимог багийн тэмцээнд эрэгтэй -90 кг-д Ц.Ган-Эрдэнэ, эмэгтэй +78 кг-д Д.Номинзул нар хүч үзэх юм.

Эрэгтэй жүдочид:

• 60 кг: Э.Ариунболд, К.Ёолк

• 66 кг: Ё.Басхүү, Б.Эрхэмбаяр

• 73 кг: Л.Анхзаяа, О.Уранбаяр

• 81 кг: О.Шинэбаяр

• 100 кг: Б.Хүдэрчулуун

• +100 кг: Б.Гончигсүрэн

Эмэгтэй жүдочид:

• 48 кг: Г.Наранцэцэг, Ж.Анударь

• 52 кг: Л.Сосорбарам

• 57 кг: Т.Ариунзаяа

• 63 кг: Л.Энхрийлэн, Б.Ганхайч

• 70 кг: Д.Есүй, Б.Ням-Эрдэнэ

• +78 кг: А.Адъяасүрэн

Монголын жүдо бөхийн шигшээ баг Унгарын нийслэлд болсон тив, дэлхийн тэмцээнүүдэд өндөр амжилт үзүүлж байсан түүхтэй. Энэ удаа ч мөн цагаан өмсгөлт баатрууд маань медалийн ургацтай ирнэ гэдэгт спорт сонирхогч олон итгэж байна.

Эх сурвалж: Монголын жүдо бөхийн холбоо