Дэлхийн боксын холбоо (World Boxing) бүх тэмцээн уралдаанд оролцох тамирчдыг хүйсийн шинжилгээнд заавал хамруулах тухай мэдэгдэлдээ Алжирын олимпын аварга Иман Хелифийн нэрийг дурдсан нь хувь хүний мэдээллийг зөрчиж болзошгүй хэмээн уучлалт хүсжээ. Тус мэдэгдэлд түүний хувийн мэдээллийг задруулсан нь зохимжгүй байсан хэмээн холбооны ерөнхийлөгч Борис ван дер Ворст онцлон тэмдэглэсэн байна.
Өнгөрсөн долоо хоногт тус холбооноос Алжирын боксын холбоонд хүргүүлсэн захидалд И.Хелифийг шинжилгээнд хамрагдах хүртэл эмэгтэйчүүдийн ангилалд оролцох боломжгүйг тодотгосон байсан. Харин холбооны зүгээс ийнхүү нэр дурдсан үйлдэл нь нууцлалын зарчим зөрчсөн болохыг хүлээн зөвшөөрч, тусгайлан захидал илгээн хүлцэл өчжээ.
Дэлхийн боксын холбооны мэдэгдэлд зааснаар, 18-аас дээш насны бүх тамирчин хүйсийн шалгалтад хамрагдах ёстой бөгөөд уг сорилыг хамар, ам, шүлс, цуснаас авсан шинжилгээгээр хийх юм. Одоогоор Иман Хелиф болон Алжирын боксын холбооноос энэ асуудлаар тайлбар хийгээгүй байна.
Алжирын боксын холбоо 2023 онд байгуулагдсан Дэлхийн боксын холбоонд 2023 оны есдүгээр сард нэгдэж, тус холбооны 100 гаруй гишүүн холбоодын нэг болсон юм.
Эх сурвалж: CNN
