Канадын усанд сэлэлтийн 18 настай авьяаслаг тамирчин Саммер Макинтош бямба гарагт болсон “Canadian Swimming Trials” тэмцээний үеэр 400 метрийн чөлөөт сэлэлтийн төрөлд 3 минут 54.18 секунд-ийн амжилтаар дэлхийн шинэ дээд амжилт тогтоолоо. Түүний энэхүү амжилт нь 2024 оны Парисын Олимпод түрүүлсэн Австралийн Ариарне Титмусийн өмнөх дээд амжилтаас бүхэл нэг секундээр илүү байсан нь онцгой үйл явдал боллоо.
Макинтош уг төрөлд өмнө нь 2023 онд 3:56.08 минутад барианд орж, дээд амжилт эзэмшиж байсан ч тухайн жил Титмус шинэ дээд амжилт тогтоосон юм. Харин энэ удаа Макинтош гараанаас тайван гарсан ч уралдааны хоёрдугаар хагаст хурд нэмэгдүүлж, сүүлийн 200 метрийг гайхалтай уралдсан нь түүний ялалтын үндэс болжээ.
Саммер Макинтош одоогоор Канадын хамгийн ирээдүйтэй усанд сэлэгчдийн нэг бөгөөд Парисын Олимпын үеэр гурван төрөлд аваргалсан анхны канад эмэгтэй тамирчин болсон. Түүний хурд, техник, сэтгэлийн тэнхээ нь түүнийг усанд сэлэлтийн спортын түүхэнд нэрээ мөнхлөх тамирчдын нэг болгох нь дамжиггүй юм.
Эх сурвалж: CNN
