3х3 төрлийн сагсан бөмбөгийн дэлхийн аварга шалгаруулах тэмцээн энэ зургадугаар сарын 23-нд Улаанбаатар хотын Д.Сүхбаатарын талбайд эхэлнэ. 30 гаруй орны шилдэг багууд оролцох тус тэмцээнд Монголын эрэгтэй, эмэгтэй баг өрсөлдөхөөр бэлтгэлээ хангаж байна.

Монголын сагсан бөмбөгийн холбооноос өргөтгөсөн бүрэлдэхүүнийг зарласан бөгөөд:

Эрэгтэй багийн өргөтгөсөн бүрэлдэхүүн:

• Д.Дэлгэрням

• Э.Дөлгөөн

• А.Ананд

• О.Энхбаатар

• Ц.Отгонжаргал

• Г.Дөлгөөн

• Г.Болор-Эрдэнэ

Эмэгтэй багийн өргөтгөсөн бүрэлдэхүүн:

• О.Хулан

• Б.Ариунцэцэг

• М.Булбул

• Б.Энхтуул

• Э.Нарангоо

• Н.Нандинхүсэл

• Ц.Болорцэцэг

• Б.Болор-Эрдэнэ

• М.Цэрэнлхам

• Б.Нямцэцэг

Өргөтгөсөн бүрэлдэхүүнээс тус бүр дөрвөн тоглогч шигшигдэн ДАШТ-д оролцох юм. Багууд “М банк арена”, “Сэлбэ”, “Уран ган” зэрэг байршлуудад бэлтгэлээ базааж байна.

Монголын багуудын тоглолтын хуваарь:

📅 Зургаадугаар сарын 23 (эрэгтэй):

• 18:25 — Монгол 🆚 АНУ

• 20:15 — Латви 🆚 Монгол

📅 Зургаадугаар сарын 24 (эмэгтэй):

• 18:25 — Бразил 🆚 Монгол

• 20:15 — Монгол 🆚 Испани

📅 Зургаадугаар сарын 25 (эрэгтэй):

• 18:00 — Монтенегро 🆚 Монгол

• 20:15 — Монгол 🆚 Япон

📅 Зургаадугаар сарын 26 (эмэгтэй):

• 18:00 — ХБНГУ 🆚 Монгол

• 20:15 — Монгол 🆚 Украйн

Энэ удаагийн тэмцээн нь Монгол Улсад зохиогдож буй хамгийн том 3х3 сагсан бөмбөгийн тэмцээн бөгөөд дэлхийн шилдгүүдтэй хүч үзэх монгол тамирчдад эх орондоо түүх бүтээх том боломж юм.

Эх сурвалж: Монголын сагсан бөмбөгийн холбоо