Мэргэжлийн сумогийн 69 дэх их аварга Хакүхо М.Даваажаргал Японы Сүмогийн холбооноос гарах өргөдөл гаргасантай холбогдуулан тус холбооны Гүйцэтгэх зөвлөл ээлжит бусаар хуралдсан бөгөөд Хакүхо энэ сарын 9-нөөс албан ёсоор холбооноос гарахаар болсныг өчигдөр гаргасан албан мэдэгдэлдээ дурджээ.
Хамгийн анхаарал татсан асуудал бол Хакүхогийн үүсгэн байгуулсан “Миягино” дэвжээний цаашдын үйл ажиллагаа байв. Хэлэлцүүлгийн дүнд “Миягино”-гийн бүх бөхчүүдийг “Исэгахама” дэвжээний харьяанд үргэлжлүүлэн байлгахаар санал нэгтэй шийдвэрлэсэн байна.
Үүний дагуу:
-
“Миягино” дэвжээг Исэгахама ояката буюу Хакүхогийн багш байсан хүн үргэлжлүүлэн удирдана.
-
Харин 73 дахь ёкозүна Тэрүнофүжи Г.Ган-Эрдэнэ “Исэгахама” дэвжээг удирдах болж, энэ сарын 9-нөөс эхлэн албан ёсоор хүлээн авна.
Энэхүү шийдвэр нь монгол сүмочдын дараагийн үеийн манлайлагч Тэрүнофүжиг дэвжээний ахлагч буюу ояката болох шинэ замнал руу хөтөлж байгаа бөгөөд монгол бөхчүүд Японы сүмогийн дотоод тогтолцоонд улам бүр гүн гүнзгий нөлөөлж буйн нэг тод жишээ боллоо.
Эх сурвалж: Японы сүмогийн холбоо
