Монголын хүүхдийн спортын зуны VIII наадмын хүрээнд зохион байгуулагдаж буй бүжгийн спортын төрлийн тэмцээн үргэлжилж байна. Тус наадам энэ оны тавдугаар сарын 28-наас зургаадугаар сарын 6-ны хооронд зохион байгуулагдаж байгаа бөгөөд улс орон даяар нийт хүүхэд, өсвөр үеийн авьяаслаг тамирчдыг хамруулсан томоохон спортын арга хэмжээ болоод байна.
Энэ удаагийн наадмын шигшээ шатанд 21 аймаг, нийслэлийн есөн дүүргээс нийт 6120 тамирчин 31 спортын төрлөөр хурд хүч, авхаалж самбаагаа сорин, 271 багц медаль хүртэхийн төлөө өрсөлдөж байгаа юм. Бүжгийн спортын тэмцээн нь авьяас, уран сэтгэмж, хосын зохицол, хөгжмийн мэдрэмж зэргийг нэгэн зэрэг шаарддгаараа онцлог бөгөөд оролцогч хүүхдүүдийн хөдөлмөр, ур чадварыг илтгэж байгаа үзэсгэлэнт төрөл юм.
Наадмын хүрээнд зохион байгуулагдаж буй тэмцээн уралдаанууд нь хүүхэд, залуусыг спортоор дамжуулан эрүүл, бие бялдар сайтай, хамтач, тэсвэр хатуужилтай иргэн болгон төлөвшүүлэх зорилготой гэдгийг зохион байгуулагчид онцолж байна.
Эх сурвалж: Монголын хүүхдийн спортын наадмын зохион байгуулах хороо
