Английн Лондон хотод маргааш эхлэх 2025 оны багийн дэлхийн аварга шалгаруулах түргэвчилсэн (рапид) болон түргэн (блиц) тоглолтын шатрын тэмцээнд Монгол Улсаас гурван баг оролцохоор өнөөдөр зорьж байна. Долоон өдөр үргэлжлэх энэ тэмцээнд дэлхийн шилдэг 54 баг өрсөлдөх бөгөөд манай багууд бүрэн бүрэлдэхүүнээрээ оролцох юм.

Монголын багийг Монголын шатрын холбооны ерөнхийлөгч, Ерөнхийлөгчийн Тамгын газрын дарга Г.Занданшатар ахалж байна. Түүний хувьд FIDE чансаа 2000-аас доош байх шаардлагыг хангасан тул AIM (Arena International Master) цолоороо тэмцээнд оролцох боломжтой болжээ.

Шигшээ I баг:

• Олон улсын мастер Г.Амартүвшин

• М.Амилал

• Их мастер Ү.Үүрийнтуяа

• Т.Мөнхзул

• ФИДЕ мастер С.Чингүүн

• Д.Амарбат

Шигшээ II баг:

• Их мастер Б.Мөнгөнтуул

• С.Билгүүн

• Олон улсын мастер С.Ган-Эрдэнэ

• ФИДЕ мастер Н.Содбилэгт

• Кандитат мастер Б.Мөнгөнзул

• AIM Г.Занданшатар

• Г.Энхбаяр

“Mongol Z” баг:

• Их мастер Д.Номин-Эрдэнэ

• Олон улсын мастер Х.Итгэлт

• Ретварс Реймэнис

• ФИДЕ мастер С.Чингүүн

• Б.Ану

• Х.Өлзийхишиг

• Кристиан Араяа
  Тэднийг дасгалжуулагч С.Ган-Эрдэнэ удирдана.

Тэмцээний хуваарь:

• Зургаадугаар сарын 11: Нээлтийн ёслол, рапид тоглолтын эхний 4 өрөг

• Зургаадугаар сарын 12–13: Рапид тоглолтын 5–12 дугаар өрөг, аваргууд тодорно

• Зургаадугаар сарын 14–15: Блиц тоглолт, шилдгүүд тодорч хаалтын ажиллагаа болно

Ташрамд дурдахад, өнгөрсөн жил Казахстаны Астана хотод болсон ижил төрлийн дэлхийн аварга шалгаруулах тэмцээнд кандитат мастер Б.Мөнгөнзул тавдугаар ширээнд хүрэл медаль хүртэж, Монголын шатар сонирхогчдын талархлыг хүлээж байв.

Эх сурвалж: Монголын шатрын холбоо