Орос улс өөрсдийн төлөвлөгөөний талаар барин тавин худлаа хэлсээр ирсэн. Энэ удаад Киев дэх цэргээ цөөлнө гэсэн нь бас худлаа аж. Эх сурвалжийн мэдээлснээр Орос улс Донбассын чиглэлд шинээр цэргээ байрлуулж, хүчээ зузаатгалаа гэв.

Украины ерөнхийлөгч Зеленский өнгөрсөн шөнө /2022.04.01/ аюулгүй байдлын хоёр удирдах албан тушаалтныг урвагч хэмээн буруутгаж, ажлаас нь халлаа. Мөргөлдөөн эхэлснээс хойш Украины албан тушаалтнууд хоорондоо ховорхон санал зөрөлдсөн боловч энэ удаад ийнхүү улс орноо хамгаалах үүргээ биелүүлээгүй гэсэн үндэслэлээр үндэсний аюулгүй байдлын албаны хоёр албан тушаалтан халагдав.

Бүтэн хоёр жилийг эх орноодоо “хоригдож”, хүн хоорондын зай барьж өнгөрүүлсэн Өмнөд Солонгосын иргэн Ким Хо Жун Хавай руу сүүлчийн нислэгт амжиж бүртгүүлжээ. Тэрбээр зургаан жилийн өмнө Хавайд хуримын бал сараа өнгөрүүлж байсан учраас тус арлыг зорихоор шийдсэн аж. Өмнөд Солонгосын засгийн газраас вакцинд хамрагдсан хүмүүст хязгаарлалтын журмаа зөөлрүүлснээр цар тахлаас болж удаан “хоригдсон” хүмүүст  гадагшаа аялах хорхойгоо дарах боломж олдсон нь энэ.

Германы улсад гуравдугаар сард автобензин болон дизель түлшний үнэ түүхэндээ анх удаа литр нь хоёр еврогийн босго давлаа гэж General German Automobile Club (ADAC) мэдээллэв. Тус улсад нэг литр автобензиний дундаж үнэ энэ  оны гуравдугаар  сарын 28-ны өдрийн байдлаар 2.274 ам.доллар (6,678 төг), дизель түлшний үнэ 2.394 ам.доллар /7031 төгрөг/-т хүрсэн  бөгөөд он гарснаас хойш тус бүр 25 гаруй хувиар өссөн байна.

Өмнөд Солонгосын тэнгисийн цэрэг Ри Кеун ОХУ-ын эсрэг дайнд оролцохоор Украин руу явжээ. Тэрбээр тус улсад довтолгооны нууц ажиллагаа явуулж байна гэж өчигдөр /2022.03.30/ мэдэгдэв.

Оросын төрийн тэргүүнд Украинд ОХУ-ын зэвсэгт хүчний амссан жинхэнэ хохирлын талаар мэдээлээгүйтэй холбоотойгоор Путин болон Батлан хамгаалахын сайд Сергей Шойгу нарын хоорондын зөрчил нэмэгдэж байгаа гэнэ. Энэ талаар Америкийн тагнуулаас авсан эх сурвалжтайгаар The New York Times сонин мэдээлжээ.

Өмнөд Осети ОХУ-ын бүрэлдэхүүнд багтах хүсэлт гаргажээ

Хятадын төрийн өмчит суваг "CCTV" өчигдөр /2022.03.30/ Үндэсний сагсан бөмбөгийн холбооны (NBA) тоглолтыг дамжууллаа. Энэ нь 18 сарын дараа анх удаа дамжуулж буй тоглолт бөгөөд 2019 онд үүссэн хагарлын дараа лиг болон Хятадын харилцаа эргэн сэргэж байна гэсэн итгэл найдвар төрүүлэв. Тодруулбал, "Лос Анжелес Клипперс" болон "Юта Жазз" багуудын тоглолтыг "CCTV" спортын сувгаар шууд дамжууллаа.

Украин, Оросын дараагийн үе шатны хэлэлцээ дөрөвдүгээр сарын 1-нд цахимаар үргэлжилнэ гэж Украины төлөөлөгчдийн тэргүүн Давид Арахамия лхагва гарагт мэдээлжээ.

Их Британийн тагнуулын албаны дарга Жереми Флеминг Украины дайны нөхцөл байдлын талаар өчигдөр тус улсын засгийн газарт мэдээлэл өгчээ. Энэ үеэр хэд хэдэн ноцтой зүйлийг ярьсан байна. Тодруулбал, Украины дайнд оролцож буй Оросын цэргүүд өөрсдийн нисэх онгоцыг санамсаргүйгээр буудаж унагаасан гэнэ. Мөн Украинд тулалдахаар очсон Оросын цэргүүд өөрсдийн зэвсэг техникээ албаар доголдуулах, тушаал биелүүлэхээс татгалзах зэргээр аашилж байгаа аж. Үүний зэрэгцээ ОХУ-ын ерөнхийлөгч Владимир Путины зөвлөхүүд нь түүнд дайны нөхцөл байдлыг үнэнээр нь мэдүүлэхээс эмээж байгаа гэх мэдээллийг хийсэн байна.

Бүслэгдсэн Мариуполь хотоос энгийн иргэдийг нүүлгэн шилжүүлэх ажил Пүрэв (2022.03.31) гаригийн өглөө эхлэв. Оросын тал түр хугацаанд галыг зогсоож, НҮБ болон Улаан загалмайн нийгэмлэг хамтран иргэдийг нүүлгэн шилжүүлж байна гэж мэдээллээ. Харин Украины талаас илгээж буй нөхцөл байдлын мэдээнүүд Путинг төөрөгдөлд оруулж байна гэж Цагаан ордон үзэж байна.

БНХАУ-ын Тяньжин боомтод 6004 чингэлэг ачаа хүлээгдэж байгааг Зам, тээврийн хөгжлийн яамнаас мэдээлэв. Энэ нь хилийн хориг, цар тахлын нөхцөл байдал, далайн боомтын ачаалал зэргээс шалтгаалан 1000 ачаа чингэлгээр нэмэгдсэн дүн гэнэ. Энэ талаар “Тяньжин боомтод дунджаар 5000 орчим чингэлэг ачаа хүлээгдэж байсан. Дулааны улирал эхэлсэнтэй холбоотой далайн тээврийн ачаалал нэмэгдсэн. Ерөнхийдөө БНХАУ-ын талд далайн тээвэр, төмөр замын тээвэр ачаалалтай байна” гэсэн тайлбарыг албаныхан өгөв. Хэдийгээр тус боомтод чингэлэг тээвэр “овоорсон” ч өдөр бүр 14 галт тэргээр 750 чингэлэг тээврийг тогтмол татан авч байгаа аж.

Хоёр долоо хоногийн хугацаанд гарсан тав дахь удаагийн халдлага...

Оросууд байлдааны ажиллагааг бууруулна гэж мэдэгдсэн ч өчигдөр Киевийн ойролцоо болон Чернигов хотуудад шинэ халдлага боллоо.

Өлсгөлөнтэй нүүр тулсан тэд сүйрсэн эдийн засгийн дунд амьжиргаагаа залгуулах гэж цөхрөнгөө барж байна.

Путин Орос үндэстнийг хамгаалах нэрийдлээр хөрш улс руугаа халдаж байгаа нь Украины нэгэн адил орос үндэстний цөөнхтэй Төв Азийн орнуудад таагүй асуултуудыг төрүүлж байна.

Дэлхийн бусад хэсэгт ковидтой холбоотой мэдээллүүд...

Дипломат хөдөлгөөнийг үл харгалзан хэд хэдэн фронтод тулаан үргэлжилсээр байв.

БНСУ-д коронавирусийн халдварын тохиолдлын тоо буурах хандлага ажиглагдлаа.

Оросын дипломатчидын явуулж буй үйл ажиллагаа олон улсын дипломат ёсны стандартад нийцэхгүй, тагнуулын ажиллагаа явуулсан хэмээн үзэж нутаг дэвсгэрээсээ хөөжээ.