Чехийн Дотоод хэргийн яам гол байрандаа Оросын Ерөнхийлөгч Владимир Путиныг үхдлийн хар уутанд хийсэн зурагтай постерыг өлгөжээ.
Энэ тухай тус яамны тэргүүн Вит Ракушан аравдугаар сарын 28-нд мэдээлэл хийсэн байна.
Тэрээр олон нийтийн сүлжээнд энэхүү постерын гэрэл зургийг тавьсан байна.
Вит Ракушан "Бидний эрх чөлөөний төлөө хэн цусаа урсгаж байгаа гэдгийг бид мэднэ. Хэн бидний найз гэдгийг бид мэднэ. Мөн түүнчлэн бидний дайсан хэн гэдгийг мэднэ. Түүнд манай далбаа, эх оронч үзэл санааг хулгайлуулахгүй" гэсэн тайлбартайгаар зургаа нийтэлжээ.
Харин Чехийн нэг сайд "Чех нэгдүгээрт" гэсэн засгийн газрын эсрэг олон мянган хүний жагсаалыг Прагад хийхээр төлөвлөснийг дуулгав. Зохион байгуулагч нар нь Украиныг дэмжихээ зогсоож, хямд хий нийлүүлэх гэрээг Оростой хийхийг шаардах болно гэж мэдэгджээ.
Сануулахад, Чех Украинд явуулж байгаа Оросын ажиллагааг албан ёсоор буруутгаж, Киевыг бүрэн дэмжиж байгаа юм. Үүний зэрэгцээ, русофобийн төвшин тус оронд өдрөөс өдөрт нэмэгдэж, засгийн газрын тэр бодлогыг дэмжихгүй байгаа хүмүүсийг "оросын тав дахь эгнээ" гэж нэрлэж байгаа юм.
М.ЦОГТ
