УИХ-ын дарга Г.Занданшатар захирамж гаргаж, УИХ-ын ээлжит бус чуулганы хугацааг 2019 оны есдүгээр сарын 30 хүртэл сунгалаа. Ээлжит бус чуулганаар хэлэлцэх асуудлын жагсаалтад,

-Үй олноор хөнөөх зэвсэг дэлгэрүүлэх болон терроризмтай тэмцэх тухай хуулийн төсөл, түүнтэй хамт өргөн мэдүүлсэн бусад хуулийн төсөл,

-БНМАУ-ын Засгийн газар, ЗСБНХУ-ын Засгийн газар хоорондын 1971 оны долдугаар сарын 29-ний өдрийн протокол болон БНМАУ-ын Засгийн газар, ЗСБНХУ-ын Засгийн газар хоорондын 1979 оны есдүгээр сарын 11-ний өдрийн хэлэлцээрт нэмэлт өөрчлөлт оруулах тухай Монгол Улсын Засгийн газар, ОХУ-ын Засгийн газар хоорондын ноот бичгийг соёрхон батлах тухай хуулийн төсөл,

-“Газрын тосны үйлдвэр барих” төслийн хүрээнд Дорноговь аймгийн Сайншанд сумын нутагт барих газрын тос боловсруулах үйлдвэрийн ажилчдын хотхонын барилга байгууламжийн үндсэн хөрөнгө бий болгоход шаардагдах, дотоодын үйлдвэрлэлээр хангах боломжгүй, импортоор оруулж ирэх бараа материалыг Гаалийн алан татварыг хөнгөлж, буцаан олгох болон НӨАТ-аас чөлөөлөх тухай хуулийн төсөл,

-“Эрдэнэт үйлдвэр” төрийн өмчит үйлдвэрийн газар, “Монголросцветмет” төрийн өмчит үйлдвэрийн газарт тогтоосон онцгой дэглэхийг сунгах асуудал,

-“Найрсаг харилцаа, иж бүрэн түншлэлийн тухай” Монгол Улс, ОХУ хоорондын гэрээний төслийг нэмж хэлэлцэхээр шийдвэрлэсэн байна.

Гэвч "Үндсэн хуульд нэмэлт өөрчлөлт оруулах журмын тухай" хуульд зааснаар УИХ Үндсэн хуулийн нэмэлт өөрчлөлтийн төслийг хэлэлцэх явцад өөр асуудал зэрэгцүүлэн хэлэлцэх боломжгүй тул нэмэлт өөрчлөлтийн төслийг хэлэлцэж дууссаны дараа дээрх асуудлыг хэлэлцэх боломжтой.