Жозефина Миртл Бикнелл (Корбин) давхар таазтай гэх ер бусын гажуудалтай төржээ. Тэр нь гаднаа нэмэлт хоёр хөлөөр илэрч байв. Дөрвөн хөлт миссис Бигийн хувь тавилан ямар байв гэдгийг энд өгүүлнэ.
Жозефинагийн эхийн жирэмслэлт хэвийн явагдаж, ер бусын хүүхэд төрнө гэсэн таамаглал ч байсангүй. Давхар таазтай, дөрвөн хөлтэй охин 1868 оны тавдугаар сарын 12-нд Америкийн Теннессси мужид төржээ. Эхийн гэдсэнд нэг үр хөврөл нь нөгөөгөө залгиснаас ийм гажуудал үүсчээ.
Жозефина эмнэлэгийн нээлт, сэтгүүлчдийн гол дуулианы шалтаг болов. Хэвлэлээр түүний тухай байнга мэдээлж ирэв. Охин ердийн хүүхэд шиг л нас насандаа хөгжиж ирсэн байлаа. Охины эцэг нь янз бүрийн яармагаар түүнийг авч яван “гажуудлаар” нь мөнгө олон үзүүлдэг байж. Жожефинаг 14 настай байхад циркийнхэн түүнтэй анхны гэрээг байгуулах санал тавьсан гэдэг.
Рекламын плакатад охиныг бүжиглэж буйгаар зурж байлаа. Үнэн хэрэгтээ тэр бараг явдаггүй байв. Шимэгч хөлнүүд нь ажиллагаагүй, хамгийн баруун талын хөлний шагай нь мултран тогтсон учир Жожефина түүн дээр тулгуурлаж чадахгүй байв. Тэр үед бүсгүй цалин хөлс маш өндөр буюу долоо хоногийн 450 доллар байжээ.
Циркийн бүсгүй 19 насандаа анагаахын их сургуулийн оюутан Жеймс Клинтон Бикнеллтай гэрлэжээ. Хурим хийгээд тэр Цирзийн шоугаа орхисон ба хоёр сарын дараа жирэмсэлжээ. Тэр нь дахиад л шуугиан гаргалаа.
Эмч нар эхний жирэмслэлтийг нь хүндрэлийн улмаас тасалжээ. Үүнээс гурван жилийн дараа тэр дахин жирэмслээд эрүүл охин төрүүлсэн байна. Тэр нийтдээ 7 хүүхэд төрүүлсний дөрөв нь ухамсарт нас хүртэл амьд байцгаасан гэдэг.
Миссис Бикнелл хүүхдүүд нь том болсны дараа цирктээ эргэн орсон байлаа. Тэрээр 60 настайдаа баруун хөлний шарханд нь бохир орж бугласны улмаас нас баржээ.
М.Цогт