x

Үндсэн хуулийн нэмэлт өөрчлөлтийн төслийг нэгдсэн чуулганаар хэлэлцэнэ

Засгийн газрын тэргүүнийг уул уурхайтай байлдаж байх зуурт бидний суган доогуур гараад явчихаж мэдэх нэг асуудал Үндсэн хуулийн нэмэлт өөрчлөлт болоод байна.

Өнгөрөгч долдугаар сард зарлагдсан ээлжит бус чуулганаар Үндсэн хуульд нэмэлт өөрчлөлт оруулах тухай хуулийн төслийн хоёр дахь хэлэлцүүлгийг хийж, ажлын хэсэг болон Байнгын хороод дээр нэлээд сайн базаад байсан ч Ерөнхийлөгчийн оруулж ирсэн саналаас болж дахин задрахад хүрсэн билээ. Өнгөрөгч даваа гаригт АН-ын зөвлөлөөс дахин 25 заалт бүхий саналыг МАН-ын бүлэгт хүргүүлсэн байна. Эдгээр саналыг МАН-ын бүлгээр хэлэлцээд “хүлээж авах боломжгүй” гэж үзсэн зарим зүйл, заалтын талаар өчигдөр мэдээлэл хийлээ. (АН-ын зөвлөлөөс илүүлсэн саналыг 17-г хүлээж авах боломжтой, наймыг нь хүлээж авах боломжгүй гэв)

Тухайлбал, АН-ын зөвлөлөөс ирүүлсэн саналд “Ерөнхийлөгчийг парламентаас сонгох” буюу сонгодог парламентын тогтолцоог санал болгосон юм байна. Гэвч энэ санал өмнө өргөн баригдсан төслүүдэд тусаагүй. Дээр нь УИХ-ын ажлын хэсэг болон Ерөнхийлөгчөөс өргөн барьсан төслүүд тус бүрдээ одоо байгаа Үндсэн хуулийн 28-аас илүү хувийг эзэлж байгаа тул хуулийн төслийг “нэмэлт өөрчлөлтийн” түвшинд барихад хүндрэлтэй болж байгаа. Хуулийн төсөл одоо байгаа хуулийн 34-өөс илүү хувийг хөндөхөд хүрвэл нэмэлт өөрчлөлт биш, шинэчилсэн найруулга, шинэ Үндсэн хуулийн түвшинд ярих хэрэгтэй болно.

Хуваарь ёсоор ээлжит бус чуулган ирэх сарын 1 хүртэл үргэлжлэх ёстой ч энэ хугацаанд Үндсэн хуулийн нэмэлт өөрчлөлтийн гурав, дөрөв дэх хэлэлцүүлгийг хийж дуусгана гэдэг үндсэндээ боломжгүй болоод байна. Одоогийн байдлаар УИХ-ын олонхи гишүүд тойрогтоо ажиллаж, Үндсэн хуулийн нэмэлт өөрчлөлтийн төсөл дээр үндсэн болон дэд (зөвлөлдөх гэж нэрлээд байгаа) ажлын хэсгүүд сууж, харин МАН-ын бүлэг дээр голлох дүгнэлтүүд гараад явж байгаа.

МАН-ын бүлгийн зүгээс АН-ын зөвлөлийн өгсөн саналд тусгагдаагүй ч ажлын хэсгийн түвшинд шийдэгдэж байгаа зарим асуудлаар саналыг авахаар хүргүүлсэн гэдгээ Б.Тогтохсүрэн гишүүн өчигдөр мэдээлсэн. АН-ын зөвлөл хариугаа өнөөдөр ирүүлж, мөн Ерөнхийлөгчтэй зөвшилцөж чадвал маргааш пүрэв гаригт УИХ-ын нэгдсэн чуулганыг хуралдуулах юм байна. Эндээс өнгөрсөн сар гаруйн хугацаанд ажилласан ажлын хэсгийн үр дүн хийгээд, Үндсэн хуулийн нэмэлт өөрчлөлтийн төсөл цаашид хэлэлцүүлэгт явах уу, эсвэл нэгмөсөн нурж унах уу? гэдэг шийдэгдэнэ.

Тухайлбал, өнгөрөгч долоо хоногт Монголын хуульчдын холбоо, хараат бус хуульчдын зүгээс “Үндсэн хуулийн нэмэлт өөрчлөлтийн амин сүнс болсон шүүхийн бие даасан байдал, хараат бус байдлыг хангахтай холбоотой заалтуудыг хуулийн төслөөс хасах нь Үндсэн хуулийн шинэчлэлд ухралт болно” хэмээн үзэж УИХ-ын дарга болон Байнгын хороодод зургаан зүйл бүхий шаардлагыг хүргүүлээд байгаа. Энэ шаардлага гэхэд Үндсэн хуулийн нэмэлт өөрчлөлтийн төсөлд сүүлд өгсөн Ерөнхийлөгчийн санал, түүнийг хүлээж авсан МАН-ын бүлгийн шийдвэрийг хөндөж байгаа юм.   

Б.ЗАЯА

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
ЗГХЭГ-ын даргын хэлсэн ДОЛООН ХУДАЛ 1 цаг 10 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 1 цаг 20 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 2 цаг 23 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 2 цаг 40 мин "Титаник” киноны Рөүзийн амийг аварсан тавцанг дуудлагаар худалджээ 2 цаг 40 мин Хотын төвийн зогсоолуудад 47,400 автомашин бүтэн өдрөөр байршдаг 2 цаг 48 мин Цусны хорт хавдрыг ялан дийлсэн Икээ Парисын Олимпод өрсөлдөнө 3 цаг 0 мин Ойрын хоёр хоногтоо нутгийн зүүн хэсгээр салхитай хүйтэн байна 3 цаг 14 мин Дотоодын цэрэг өндөр чадвартай хөдөлгөөнт хүчинтэй болно 3 цаг 17 мин Голомт банк “Их засаг” олон улсын их сургуультай хамтран ажиллана 3 цаг 30 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 3 цаг 34 мин Зарлан мэдээллийн дохиогоор дадлага сургуулилалт хийлээ 3 цаг 47 мин Дөрөвдүгээр сард болох үндэсний бөхийн барилдааны хуваарь 4 цаг 23 мин Өнөөдөр 16:00 цагт орон даяар гамшгийн дохио дуугарна 6 цаг 37 мин Палестиныг дэмжигчид Пентагоны шефийн гэрийн урд өтгө бууц асгажээ 6 цаг 41 мин Чингэлэг чингэлгээр зөөсөн нүүрсний мөнгийг Сү.Батболдын "бохир" мөнгөөр дарах уу? 7 цаг 48 мин Ж.Чинбүрэн: Шалгалтын ажилд санаатай саад хийж буй албан тушаалтанд хууль заасан хариуцлага тооцно 8 цаг 45 мин Н.Учрал гишүүний эргэн ирэлт ба Эмийн жорын “цахимжилт” 9 цаг 19 мин Оросын ХАБА-ны тэргүүн Бортников: АНУ, Их Британи, Украин Москвагийн террорт хамаатай 10 цаг 12 мин ОРОС дахь АЛЛАГА 11 цаг 9 мин
iИх уншсан
Хуулиар засаглах биш, хуульчдаасаа хулгайлдаг ТӨР Найруулагч П.Лхагвадулам: Сэтгэлээс гардаггүй тийм л мэдрэмж... Богд хаант Монгол төрийг устгасан нь Д.Амгалан: Хувийн хэвшлийнхэн төрийн албан хаагчдыг цалинжуу... 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Чингэлэг чингэлгээр зөөсөн нүүрсний мөнгийг Сү.Батболдын "бо... ОРОС дахь АЛЛАГА Н.Учрал гишүүний эргэн ирэлт ба Эмийн жорын “цахимжилт” Батсүмбэр сумын 100 жилийн ойн барилдаанд улсын заан Б.Серик... Дөрөвдүгээр сард ихэнх нутгаар салхи шуургатай, хүйтэн байх ... Эрчим хүчний шилжилт хийх өрхүүдийг сонгон шалгаруулж байна Москвад болсон зэвсэгт халдлагын хариуцлагыг "Исламын улс" б... Маргаашнаас баруун, зүүн аймгуудад цасан шуурга шуурна
Top