Байгаль орчин, аялал жуулчлалын сайд Н.Цэрэнбат дөнгөж сая шуурхай хэвлэлийн хурал зарлалаа. Тэр өнөөдөр Ерөнхий сайд У.Хүрэлсүхийн өгсөн үүрэг даалгаврын дагуу Тост, Тосон бумбын ордод үйл ажиллагаа явуулж буй "Сауд гоби коэл транс" ХХК-ийн тусгай зөвшөөрлийг цуцалсан тухайгаа мэдээлэв.

Уг компани нь УИХ-ын гишүүн Б.Чойжилсүрэнгийн эзэмшлийн компани бөгөөд анхнаасаа тусгай зөвшөөрөл авсан байдал нь Монгол Улсын хууль тогтоомжийг зөрчсөн тухай Ерөнхий сайд өнөөдөр харьяа яам, агентлаг, хууль хүчний байгууллагын удирдлагуудтай уулзах үеэрээ хэлсэн. Мөн тус компанийн тусгай зөвшөөрлийг цуцалж, Тост, Тосон бумбын ордыг улсын тусгай хамгаалалтад авахыг Ашигт малтмалын газрын дарга, БОАЖ-ын сайд нарт даалгасан юм.