x

Америкаас ирсэн айлчлалын агуулга нь юу байв

Ерөнхийлөгч Х.Баттулга АНУ-д айлчилж ирээд хэдхэн хонож байна.

Айлчлалын үеэр Цагаан ордонд АНУ-ын Ерөнхийлөгч Дональд Трамп хүлээж авч биднийг “Баатарлаг, дайчин ард түмэн” гэж баахан магтаад буцаасан байдаг. Аяных нь тоос бараг буугаагүй байтал араас нь Америкийн Батлан хамгаалахын сайд, Пентоганы тэргүүн Марк Эспер гэдэг лут амьтан манай улсад өчигдөр ирлээ.

Энгийн цагт бол том хүндэтгэл гэж ойлгохоор үйл явдал л даа. Тиймээс улаан хивс дэлгэж, Сүхбаатарын талбайд угтаж аваад Чингисийн хөшөөнд мөргөөд есөн хөлт цагаан тугт танхимд хэвлэлийн хурал хийгээд маналзуулах байлаа.

Гэтэл манайхан зайлуул ус балгасан мэт дуугүй байсаар л үдлээ дээ. Хоёр том хөрш маань АНУ-тай асуудалтай байгаа. Нэг нь худалдааны дайн хийж, долларын ханшаар тоглож байгаа бол, нөгөөх нь олон төрлийн хоригийн маргаантай. Нөхцөл байдал ийм болохоор Халх голын байлдааны тэгш ойд оросын томчууд ирэхгүй гэж айсан уу, хятад дарга нар дургүйцнэ гэж бодсон уу мэдэхгүй. Төрийн томчууд маань өөрсдийн санаа оноо гэх юм ямар ч байсан хэвлэлд гаргасангүй.

Сэтгүүлчдэд дуулгаж мандат өгөх нь байтугай ирснийг бараг нууцлах дөхлөө. Батлан хамгаалахын сайд Н.Энхболд хүлээж авч уулзаад морь бэлэглэсэн тухай л мэдээлэл гарч байна.

Гэхдээ гадаадын хэвлэлүүд бол ажлаа хийж яваа бололтой. Оросын зарим мэдээллийн хэрэгсэл “АНУ-ын зүгээс Монголд пуужин суурилуулах сонирхолтой байна” гэж цуурсан байгаа юм. Ингээд айлчлал тойрсон мэдээллүүдийг тоймлон хүргэе.

МОНГОЛЫН ХҮЙТЭН АГААРТ АМЕРИК ЦЭРГИЙГ ЧИЙРЭГЖҮҮЛЭХ ҮҮ

Дэлхийн 200 гаруй оронд салбартай, нэг төв нь АНУ-д байрладаг “Ройтерс” агентлагийн мэдээнд “АНУ-ын Батлан хамгаалахын сайд Марк Эспер Монгол Улсад айлчилж, холбогдох албан тушаалтнуудтай нь уулзаж байна.

Монгол Улс нь Пентагоны хувьд стратегийн хувьд ач холбогдол бүхий газар юм. Орос, Хятад хоёрын дунд түгжигдсэн Монгол Улсыг Пентагон ойрын 10 жилийнхээ тэргүүлэх чиглэл гэж харж байж болох юм.

АНУ-ын Батлан хамгаалахын сайд Марк Эспер Монгол Улсын Ерөнхийлөгчтэй уулзахынхаа өмнө “Монгол Улсад айлчилж байгаа нь миний хувьд нэр төрийн хэрэг. Энэ удаагийн айлчлал нь хоёр орны харилцааг цаашид улам бэхжүүлэх өөр боломж байгаа эсэхийг харах боломж олгож байгаа юм” гэжээ.

Түүнчлэн “Ройтерс” агентлагийн мэдээлж буйгаар, АНУ-ын талаас айлчлалын бүрэлдэхүүнд багтсан Пентагоны өндөр албан тушаалтан энэ удаагийн айлчлалын талаар “Миний бодлоор Батлан хамгаалахын сайд Марк Эспер Монголтой түншлэлийн харилцаагаа цаашид өөр салбарт бэхжүүлэх боломж байгаа эсэхийг олж мэдэхийг оролдож байх шиг байна.

Магадгүй Монголын хүйтэн цаг агаарыг ашиглаж, цэргийн бэлтгэл хийх зэргээр харилцаагаа өргөжүүлэх эрмэлзэж ч байж болох юм” гэжээ. Эсперийн энэ удаагийн айлчлал нь АНУ, Хятадын худалдааны дайн хурцадмал байдалд хүрсэн үед болж байна.

Түүнчлэн АНУ-ын Ерөнхийлөгч Дональд Трампын Пхеньянтай хийж буй яриа хэлэлцээ зогсонги байдалд ороод буй энэ үед Хойд Солонгостой төмөр замаар шууд холбогддог Монгол Улс чухал үүрэг гүйцэтгэнэ гэж харж байж ч болох юм” гэсэн утгатай мэдээлэл гаргажээ.

“Ройтерс” дээр нэрийг нь дурдаагүй албан тушаалтан Монголд цэрэг байлгаж болох тухай хэлчихсэн юм биш үү. Үгүй байсан ч тэгж ойлгогдохоор өгүүлбэр мэдээлэл дунд нь явж байна.

Дээр нь Америкийн Батлан хамгаалахын сайд, Пентагоны тэргүүн Т.Эсперийн “Энэ удаагийн айлчлал нь хоёр орны харилцааг цаашид улам бэхжүүлэх өөр боломж байгаа эсэхийг харах боломж олгож байгаа юм” гэдэг өгүүлбэр дэмий үг байсан уу гэдэг ч өөрөө асуултын тэмдэгтэй үлдлээ.

Мөн бид хэчнээн үгүйсгэсэн ч АНУ, БНХАУ хооронд өрнөөд байгаа худалдааны дайны талаар гадаадын хэвлэлүүд Монгол-Америкийн дотнослыг холбож ойлгоод байгааг энэ мэдээнээс харж болно. Ерөөсөө жил хүрэхгүйн өмнө манай Ерөнхий сайдыг очиход бараг үл тоох шахсан АНУ одоо ийн хөл алдах болсон дээр бид ч гэнэн царайлаад байж таарахгүй л дээ.

БЭЛГИЙН АДУУГ “МАРШАЛ” ГЭЖ НЭРЛЭЛЭЭ

Бичлэгийн эхэнд дурдсанчлан АНУ-ын Батлан хамгаалахын сайдын айлчлалын үеэр манай талаас юу ярьсан тухай мэдээлэл гараагүй.

Өчигдөр 18.00 цагийн байдлаар айлчлалтай холбогдуулан Батлан хамгаалах яам өөрийн албан ёсны сайт дээр товч мэдээлэл тавьснаас өөр албан мэдээлэлгүй байлаа. Тэр мэдээнд “УИХ, Засгийн газрын гишүүн, Батлан хамгаалахын сайд Н.Энхболдтой АНУ-ын Батлан хамгаалахын сайд Марк Эспер уулзлаа.

Түүнийг Монгол Улсын БХЯ-нд хүрэлцэн ирэхэд хүндэт харуул, ЗХЖШ-ын ҮЖҮНХ-ийн бие бүрэлдэхүүн жагсан угтаж, хүндэтгэл үзүүлж, хоёр улсын Төрийн дууллыг эгшиглүүлсэн юм. Дараа нь ноён Марк Эспер тэргүүтэй АНУ-ын Батлан хамгаалах салбарын зочид Монгол Улсын Батлан хамгаалах, Зэвсэгт хүчний удирдлагуудтай уулзаж, хоёр орны Батлан хамгаалах салбарын харилцаа, хамтын ажиллагаа, цаашдын хөгжлийн чиг хандлагын талаар санал солилцлоо.

Түүнчлэн Батлан хамгаалахын сайд Н.Энхболд ноён Марк Эсперийг хүндэтгэж, түүнд адуу бэлэглэсэн.

Энэ үеэр АНУ-ын Батлан хамгаалахын сайд Марк Эспер хэлсэн үгэндээ “Манай хоёр орны батлан хамгаалах салбарын харилцаа нь талуудын нийтлэг эрх ашиг болох ардчилал, эрх чөлөө, хүний эрхийг дэлхий дахинд хамгаалах, хоёр орны ард түмний найрсаг харилцааг гүнзгийрүүлэх, бүс нутагт болон дэлхий дахинд цэргийн итгэлцлийг бэхжүүлэх, энх тайван, тогтвортой байдлыг сахин хамгаалахад чухал үүрэг гүйцэтгэж ирсэн билээ. Цаашдаа ч энэ харилцаа улам батжиж, өргөжин хөгжинө гэдэгт эргэлзэхгүй байна” гэсэн юм.

Тэрбээр ярианыхаа төгсгөлд “... Намайг хүндэтгэж морь бэлэглэсэнд би маш их баяртай байна. Энэ морийг манай улсын эрэлхэг генерал Жеорж Маршалын нэрээр нэрлэе. Учир нь тэр хүн Дэлхийн 11 дайны дараа Хятад улсад цэргийн үйл ажиллагаанд оролцож байхдаа монгол адуу унаж байсан түүхтэй” гэв.

Дараа нь ноён Марк Эспер Бүх цэргийн Их хар сүлдний өргөөнд морилж, монголын эртний түүхтэй танилцаж, дурсгалын зураг татууллаа” гэсэн байна. Энэ мэдээнд ч сонирхол татахуйц үг, өгүүлбэр байна.

Тухайлбал, Эспер хоёр орны цэргийн итгэлцлийг бэхжүүлэх, энх тайван, тогтвортой байдлыг сахин хамгаалах ажил цаашдаа улам батжиж, өргөжин хөгжинө гэдэгт эргэлзэхгүй байгаагаа илэрхийлсэн нь “Ройтерс”-ын мэдээллийг давтжээ. Үүгээр зогсохгүй, ОХУ-ын зарим мэдээллийн хэрэгслийн нийтлэлийн болгоомжлолыг лавшруулсан мэт харагдаад байгаа. Бас бэлгийн моринд Хятад Улсад цэргийн үйл ажиллагаанд оролцож байсан Жеорж Маршал гэдэг генералын нэрийг өгсөн нь сонирхолтой л юм.

АНУ-ЫН ЭЛЧИН САЙДЫН ЯАМ ЮУ ХЭЛЭВ

Айлчлалын талаар мэдээ гаргасан бас нэг эх сурвалж бол АНУ-аас Монгол Улсад суугаа Элчин сайдын яам юм. Тэдний мэдээнд “АНУ-ын Батлан хамгаалахын сайд Марк Эспер 2019 оны наймдугаар сарын 7-8-ны өдрүүдэд Монгол Улсад албан ёсны айлчлал хийлээ.

Энэ оны долоодугаар сарын 23-нд АНУ-ын Батлах хамгаалах сайдаар томилогдсоноосоо хойш түүний олон улсад хийж буй анхны айлчлалын хүрээнд уг айлчлал багтаж байгаа юм.

Айлчлалын үеэр Марк Эспер болон АНУ-аас Монгол Улсад суугаа Элчин сайд Майкл С.Клечески нар Монгол Улсын Ерөнхийлөгч Х.Баттулгад бараалхаж, Батлан хамгаалахын сайд Н.Энхболдтой уулзалт хийлээ. Батлан хамгаалахын сайд Эсперийн энэхүү айлчлал эрх чөлөөтэй, нээлттэй Энэтхэг-Номхон далайн бүс нутгийн төлөө АНУ тууштай байгааг дахин нотлов.

Батлан хамгаалахын сайд Эсперийн анхны гадаад айлчлал Монгол Улсын Ерөнхийлөгч Х.Баттулга АНУ-д айлчилж, Ерөнхийлөгч Дональд Трамптай Цагаан ордонд уулзсаны дараахан болсон нь ардчиллын хамтын үнэт зүйлс, бүс нутгийн энх тайван, тогтвортой байдлыг хангах хүсэл сонирхолд суурилсан АНУ, Монгол Улсын бат бэх харилцааны илэрхийлэл болж байна” гэж дурджээ.

АНУ-ын Батлан хамгаалахын сайдын айлчлал “Эрх чөлөөтэй, нээлттэй Энэтхэг-Номхон далайн бүс нутгийн төлөө АНУ тууштай байгааг дахин нотлов” гэдэг нь ямар учиртайг судлаачид тайлбарласан дээр байх.

Харин дэлхийн хамгийн хүчирхэг гүрний Батлан хамгаалахын сайд анхны айлчлалдаа манайхыг багтаасан хийгээд Цагаан ордны уулзалтын дараахан болсныг онцолж буй нь бол том мессеж байж мэднэ шүү. Мөн ардчиллын үнэт зүйл, бүс нутгийн энх тайван зэрэг үгс нь нэг тийм бадрангуй дундын том зорилготой мэт санагдуулаад байгаа юм.

АНУ-ЫН БАТЛАН ХАМГААЛАХЫН САЙД, ПЕНТАГОНЫ ТЭРГҮҮН МАРК ЭСПЕР ГЭЖ ХЭН БЭ

Дээр дурдагдсан эх сурвалжуудын мэдээллээс үзэхэд Эспер нь 1964 онд төрсөн. АНУ-ын Цэргийн академийг 1986 онд ерөнхий цэргийн офицероор төгсөж, цэргийн жинхэнэ албанд 10 жил, Үндэсний гварди болон армийн бэлтгэл офицероор 11 жил үүрэг гүйцэтгээд, 2007 онд АНУ-ын Армиас чөлөөнд гарсан.

Тэрбээр Жон Ф.Кеннедигийн нэрэмжит Удирдлагын ухааны сургуулиас Төрийн захиргаа-удирдлагын магистр, Жорж Вашингтоны Их сургуулиас Төрийн захиргааны бодлогоор докторын зэрэг тус тус хүртжээ.

АНУ-ын Батлан хамгаалах яамны хүндэт медаль, Цэргийн гавьяаны одон, Хүрэл од медаль, Саудын Араб Улсаас хүртсэн “Кувейтийг чөлөөлсний төлөө”-медаль болон Байлдааны цэргийн тэмдэг зэрэг гавьяа шагналтай.

1990-1991 онд Персийн булангийн дайнд оролцож явсан эрхэм аж. Тэрбээр 2019 оны долоодугаар сарын 23-ны өдөр тангараг өргөснөөр АНУ-ын 27 дахь Батлан хамгаалахын сайд болсон. Үүнээс өмнө Батлан хамгаалахын сайдын үүргийг түр орлон гүйцэтгэгч, Хуурай замын цэргийн хэрэг эрхэлсэн сайдын албыг тус тус хашиж явсан юм байна.

Үндэсний шуудан

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Монгол улсын иргэн
    Ер нь бол хятадаас авч байгаа хахуулын хэдэн төгрөгөө бодоод энэ мэдээг өгдөр авхуулахгүй ач холбогдол өгөхгүй урсгалаар нь байжгаад л явуулсан хэдэн ь1 малнууд
    2019 оны 08 сарын 09 | Хариулах
iШинэ мэдээ
МАН-ын генсек Д.Амарбаясгаланг АТГ-т шалгаж байна 9 минутын өмнө Ж.Дэлгэрсайхан: Улстөрчид төсвийг эдийн засаг талаас нь харахыг хүсэхгүй байна 47 минутын өмнө Д.Одбаяр өөрөө өргөдлөө өгөөгүй тохиолдолд Цэцийн гишүүнээрээ үлдэнэ 53 минутын өмнө Энэ өвлийн цаг агаарын урьдчилсан төлөв 1 цаг 3 минутын өмнө Жендэрт суурилсан хүчирхийлэлтэй тэмцэх 16 хоногийн аян Даваа гаригт эхэлнэ 1 цаг 41 минутын өмнө Монголбанкны ерөнхийлөгч, СЗХ-ны даргыг томилно 2 цаг 18 минутын өмнө Цэцийн дарга Д.Одбаярын асуудлыг маргааш хэлэлцэнэ 16 цаг 8 минутын өмнө МАН-ынхны “ТОЛЬ” болсон Д.ОДБАЯР 16 цаг 41 минутын өмнө Жендэрт суурилсан хүчирхийлэлтэй тэмцэх АЯН өрнүүлнэ 17 цаг 9 минутын өмнө Индонези улсад “Монгол дуурийн үдэш” тоглолт болжээ 17 цаг 14 минутын өмнө Малчин Д.Гомбо-Очир: Малын үнэ резинэн тоглоомын үнэтэй байна 17 цаг 30 минутын өмнө "Өнөөдөр тамхинаас татгалзах өдөр" 19 цаг 26 минутын өмнө Улаанбаатар-Дархан чиглэлийн шинэ замд 137 сая ам.доллар зарцуулна 19 цаг 47 минутын өмнө Л.Энх-Амгалан: Цаашдаа яавал ашигтай байхаа ярьж, өөрчлөлт оруулах шаардлагатай 20 цаг 13 минутын өмнө БНХАУ-ын иргэд манай улсад хуурамч эртний эдлэл зарж байсныг илрүүлжээ 21 цаг 30 минутын өмнө ЖҮДО: Осакагийн “Гранд Слам” маргааш эхэлнэ 21 цаг 44 минутын өмнө Агаарын чанарт хүхрийн хэмжээ их гарч байгаа нь автомашины утаанаас болсон гэв 22 цаг 15 минутын өмнө Н.Баяртсайхан, С.Даваасүрэн нарыг үүрэгт ажлаас нь чөлөөллөө 23 цаг 10 минутын өмнө Манай улсад болох Олон улсын залуучуудын ногоон наадмын урилгыг гардууллаа 23 цаг 27 минутын өмнө Тавантолгой-Зүүнбаян чиглэлийн эхний 1.9 километр төмөр замыг угсарчээ 23 цаг 37 минутын өмнө "Монголын компаниуд АНУ-ын зах зээлд бүтээгдэхүүнээ экспортлох боломжтой" Өчигдөр 11 цаг 05 минутад Ерөнхий сайд У.Хүрэлсүх төмөр замын бүтээн байгуулалтын явцтай танилцав Өчигдөр 09 цаг 41 минутад Ц.Мөнхдүүрэн: Бөхчүүд ард түмний хайр хишигт хариу барих ёстой Өчигдөр 09 цаг 12 минутад Жорлонгоо өөрчлөгчид гурван Х-гийн зарчмаар ажиллана Өчигдөр 09 цаг 03 минутад Да.Ганболд: Оюутолгойд маргаантай байсан нэг асуудлыг би шийдсэн Өчигдөр 09 цаг 00 минутад Гудамж биднээс хариугаа авдаг Өчигдөр 08 цаг 15 минутад Баруун аймгуудын нутгаар цас орж, цасан шуурга шуурна Өчигдөр 08 цаг 06 минутад Оюутолгой ордын ашиглалтад Монгол Улсын эрх ашгийг хангуулах тухай УИХ-ын тогтоолын төслийг батлуулах нь зүйтэй гэж үзлээ Уржигдар 18 цаг 40 минутад Японд эмэгтэйчүүдийг ажлын байр дээр нүдний шил зүүхийг хоригложээ Уржигдар 18 цаг 21 минутад ХЗБХ: Эрүүгийн хуульд нэмэлт, өөрчлөлт оруулах тухай хуулийн төслийг хэлэлцэхийг дэмжив Уржигдар 18 цаг 06 минутад "Ажлын байрны дарамт үзүүлсэн этгээдэд ногдуулах хариуцлагыг тодорхой болгох хэрэгтэй" Уржигдар 16 цаг 35 минутад Нандигнахгүй байхын аргагүй Нандинцэцэг Уржигдар 16 цаг 01 минутад "Ногоон гэрэл цагаан шугам" тэмцээн 38 дахь жилдээ Уржигдар 15 цаг 43 минутад Иргэдээс гаргасан саналуудыг нэгтгэн Нийслэлийн 2020 оны төсөвт тусгана Уржигдар 15 цаг 42 минутад Мал төхөөрөх, мах боловсруулах үйлдвэрүүдээс 500 орчим зөрчил илрүүлжээ Уржигдар 15 цаг 26 минутад Өвдөгний үенд хиймэл үе суулгах мэс заслыг эмчилгээний шинэ технологи ашиглан амжилттай нэвтрүүллээ Уржигдар 15 цаг 03 минутад Монгол улсын Ерөнхийлөгчийн захидлыг гардууллаа Уржигдар 14 цаг 54 минутад ШУА-ийн хүрээлэнгүүдийн үйл ажиллагаатай хотын удирдлагууд танилцлаа Уржигдар 14 цаг 47 минутад Ц.Нямдорж: Оюутолгойн гэрээг зогсоож болохгүй Уржигдар 14 цаг 29 минутад Ц.Нямдоржийг боомилох шахсан “Дубайн гэрээ”-г цуцлах уу? Уржигдар 14 цаг 09 минутад Улаанбаатар хотын хэмжээнд 59,5 км үерийн хамгаалалтын суваг барина Уржигдар 13 цаг 18 минутад Н.Мандуул: Нийгмийн сүлжээгээр дамжуулж сөрөг уур амьсгалыг эерэгээр өөрчилж, хөгжиж чадна Уржигдар 13 цаг 07 минутад Сидней хот түймрийн утаанд дарагдаж, иргэддээ зөвлөмж хүргэж байна Уржигдар 12 цаг 55 минутад Оюутолгой ба Монголын улс төр Уржигдар 12 цаг 46 минутад Шүүгч Ц.Зориг, хуульч Б.Сарантуяа нарыг үүрэгт ажлаас нь чөлөөллөө Уржигдар 11 цаг 55 минутад “Сургуулийн автобус”-аар хүүхдүүд амар тайван, аюулгүй, тухтай зорчиж байна Уржигдар 11 цаг 43 минутад Туркойз Хилл Ресурс: Дубайн гэрээтэй холбоотой шүүхийн шийдвэр үндэслэлгүй Уржигдар 10 цаг 55 минутад Төрийн албаны ерөнхий шалгалтад 1,588 иргэн тэнцжээ Уржигдар 09 цаг 33 минутад С.Баянмөнх: Эрүүгийн хууль ЖДҮХС-гаас зээл авсан албан тушаалтнуудад ял завших боломж олгож байна Уржигдар 09 цаг 04 минутад Дүүргийн Засаг дарга нар гэр хорооллын хороодод ажиллах хуваарь Уржигдар 08 цаг 34 минутад
iШинэ мэдээ
ЦААШ ҮЗЭХ
Top