Японы Осакад болсон “Их-20”-ийн дээд хэмжээний уулзалтын арга хэмжээнүүд дээр Оросын Ерөнхийлөгч Владимир Путины барьж байсан халуунаа барьдаг аяга Хятадын онлайн худалдааны Taobao дэлгүүрт жинхэнэ хит болон борлуулагдаж байна гэнэ.

ОХУ-ын Ерөнхийлөгч энэ аяганаас цай ууж байгаа гэрэл зураг хэвлэлүүд дээр гарсны дараа хэвлэлийн нарийн бичгийн дарга Дмитрий Песков түүнийг энэ аягаараа байнга цай уудаг хэмээн тайлбарласан юм. Владимир Путин Осакад энэ аяганаасаа байнга цай ууж байсан төдийгүй АНУ-ын Ерөнхийлөгч Дональд Трамптай ч энэ л аягаараа “хундага тулгаж” байсан юм.