Статистикаар бол 600.000 тохиолдолд нэг удаа аянга хүн дээр тусдаг гэнэ. 1977 оны зургаа дугаар сарын 25-нд Виржинийн Шенандоа дархан газрын манаач Рой Кливленд Салливан аянгад ниргүүлээд эмнэлэгт хүргэгдэн ирэв. Аянга түүний чээж мөрийг түлээд л өнгөрсөн байна. Гэтэл  энэ нь түүнийг аянга ниргэсэн долоо дахь тохиолдол нь болов.

Анх аянга түүнийг 1942 онд ниргэжээ. Гучин настай ойн хамгаалагч борооноос саяхан босгосон галын цамхгийн бүхээгт хорогдохоор шийдсэн байна. Аянга зайлуулагч тавьж амжаагүй цамхагт аянга бууж тэр тэндээс гүйн гарч амжсан байв. Аянга хоёр дахь удаагаа буухдаа түүний хөлийг онон түлсэн ба Рой эрхий хурууныхаа хумсыг алджээ.

Рой өөрөө хүүхэд байхдаа эцгийн хамт өвс хадаж явахад хадуурт нь аянга буусан гэж ярьдаг. Тэр тохиолдол бүртгэгдээгүй учраас 1942 оноос л түүний аянгын бүртгэл эхэлдэг.

1969 онд машинтай явж байхад нь аянга эхлээд модонд буугаад түүний машины онгорхой цонхоор ниргэжээ. Гурав дахь аянга түүний сормуус хөмсөг бас үсний ихэнхийг хуйхалсан байв.

Дараагийн тохиолдол нь жилийн дараа учирч үсийг нь шатаав. Арай гэж галыг унтраасан тэрээр дэргэдээ ус авч явах болжээ.

Жилийн дараа тэр машинаар паркаа эргэж яваад тав дахь удаагаа аянганд дайрагдав. Аянга түүнийг машинаас гарган хаяад гутлыг сугартал цохиод үсийг нь бас шатаажээ. Тэр машиндаа яаж ирээд хүрч нөөцөөлсөн усаар галаа унтраасан байна.

1976 онд түүнд дахиад л аянга уналаа. Тэрээр өсгийгөө бэртээсэн байв. Сүүлчийн удаа загасчилж явсан түүнийг аянга долоо дахь удаагаа ниргэснийг дээр өгүүлсэн.

Аянгын бүх цохилтыг эмч нар бүртгэсэн учраас Рой Кливленд Салливан Гиннессийн номонд бичигджээ. Аянгын долоон цохилтыг даасан тэрээр хувийн зовлонгийн өмнө буун өгчээ. Рой 1983 онд азгүй дурлалаас болж амиа егүүтгэжээ.

М.Цогт