УИХ-ын чуулганы хуралдаан үргэлжилж байна. Нэгдсэн хуралдаанаар Үндсэн хуульд оруулах нэмэлт өөрчлөлтийн төслийг хэлэлцсэний дараа уг асуудлаар төрийн байгуулалтын байнгын хорооноос гаргасан саналыг үргэлжлүүлэн хэлэлцэх юм.

Нэмэлт өөрчлөлтийн төсөлд Үндсэн хуулийн Цэцийн гишүүнийг нэг удаа есөн жилээр томилохоор тусгасан байна. Одоогийн хуулиар Цэцийн гишүүнийг зургаан жилээр томилж, нэг удаа улираан томилох заалттай байгаа.

Мөн төсөлд бичсэн "Сонгуулийн тогтолцоог УИХ хуулиар тогтооно" гэсэн заалтын тухай гишүүдийн асуултад ажлын ТББХ-ны дарга С.Бямбацогт "Үндсэн хуульд заасан иргэд нийтээрээ, чөлөөтэй шууд сонгох эрхийн үндсэн дээр саналаа нууцаар гаргах зарчим өөрчлөгдөөгүй. Хүн сонгодог хэвээрээ байгаа. Ээлжит сонгууль болохоос өмнө нэг жилийн өмнө хуульд өөрчлөлт оруулахгүй гэж Үндсэн хуульдаа зааж өгч байгаа" гэж хариулав.