x

Истанбул дахь Ерөнхий консул асан Э.Мөнх-Очир: Маш их харамсаж байна. Уучлал гуйж байна

БНТУ-ын Истанбул хот дахь Консулын газрын дэд консул Н.Баттүшиг, жолооч Н.Эрдэнэбилэг нар Чех улсаас ХБНГУ-ын хилээр нэвтэрч байх үедээ дипломат дугаартай автомашинтай саатуулагдсан. Тэд энэ үедээ 70 кг геройн буюу хар тамхи тээвэрлэж яваад баригдсан бөгөөд тус улсад хоригдон шалгагдаж байгаа билээ.

Туркийн Истанбул хотод Ерөнхий консулаар ажиллаж асан Э.Мөнх-Очир хар тамхи тээвэрлэсэн дипломат ажилтнуудын талаар сэтгүүлчдийн асуултад хариуллаа.

Тэрбээр "Уучлалт гуймаар байна. Миний тэргүүлж байсан дипломат төлөөлөгчийн газарт ийм үйл явдал болсонд харамсаж байна" гэдгээ хэлээд "Б.Баттүшиг наймдугаар сарын 1-нээр томилогдоод есдүгээр сараас Истанбул дахь Консулын газар ажиллаж эхэлсэн. Ажлаа сайн гүйцэтгэж байсан. 

Консулын газрын хувьд энд байгаа яам, тамгын газрын жолооч шиг жолооч гэсэн албан тушаал байдаггүй. Эрдэнэбилэг гэдэг хүн ирэхдээ Аж ахуйн эрхлэгчээр томилогдож ирсэн. Шаардлагатай үед машин барьдаг байсан. Консулын газар ажиллаж буй бүх хүн машиндаа дипломат дугаар авдаг" гэсэн тайлбар өглөө. 

Э.Мөнх-Очир нь БНТУ-ын Истанбул хот дахь Ерөнхий консулаар ажиллаж байгаад Засгийн газрын гуравдугаар сарын 28-ны тушаалаар чөлөөлөгдөж, дөрөвдүгээр сарын 3-нд эх орондоо ирээд байсан юм. Тиймээс эх орондоо ирснээсээ хойш тэрбээр Консулын газартай эргэж холбогдоогүй гэдгээ хэллээ. Харин 70 кг хар тамхины хэрэгт холбогдсон дэд консул Н.Баттүшиг, жолооч Н.Эрдэнэбилэг нар баригдсан даруйдаа түүнтэй холбогдсон бөгөөд Э.Мөнх-Очир тухайн үед ХБНГУ-д суугаа Монголын ЭСЯ-нд мэдэгдэж, анхаарал хандуулахыг хүссэн байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Доржоо
    Хариуцлага гэж ярихгүй юм. Ажлаа өгөө. Аавынхаа нэрээр хол явлаа. Удирдлага дор байсан хүн нь юу хийж явааг мэдээгүй нь хариуцлага хүлээх үндэслэл
    2019 оны 06 сарын 10 | Хариулах
  • Istanbukin Mongolchuudaas
    Chadaj naigaa ymandxarga alga mundag xvn sain ajilsan shvv
    2019 оны 06 сарын 10
  • Зочин
    Мөнх-Очир түркээс олон бизнес хувьдаа чирж ирсэн дээ. Ажлуулдаг гольф нь турк чимэглэл турк нохойтой . Эхнэр нь Туркээс ундаа угаалгын хэрэгсэл гээд байж болох барааг оруулж ирдэг. Улсад гавьяа гэхээсээ хувьдаа л олон юмтай болсын билээ. Уг нь сайн аавын хүү
    2019 оны 06 сарын 10 | Хариулах
    • Istanbukin Mongolchuudaas
      Chadaj naigaa ymandxarga alga mundag xvn sain ajilsan shvv
      2019 оны 06 сарын 10
Top