100 жилийн дараа гэхэд манай гаригийн амьтны ертөнц тодорхой хэмжээгээр өөрчлөгдөнө гэж Их Британийн Саутгемптоны их сургуулийн судлаачид үзэж байна. Тэднийхээр бол жижиг амьтад, шувууд, сүүн тэжээлтнүүд өнөөгийнхөөс илүү элбэг болох ч биеийнх нь овор хэмжээ жижгэрч, илүү түргэн хөдөлгөөнтэй болон шавжаар хооллон өсч үржих илүү их чадвартай болох гэнэ.
Зуун жилийн дараа гарах бас нэг өөрчлөлт бол хулганын төрөл улам олон болж сүүн тэжээлтнүүдийн биеийн овор хэмжээ, жин 25 хувиар багасна гэж байна. Үүнийгээ эрдэмтэд сүүлчийн мөстлөг дууссанаас хойш 130 мянган жил өнгөрөх хугацаанд шувуу, сүүн тэжээлтний биеийн хэмжээ 14 хувиар буурсантай харьцуулан гаргасан гэнэ.
