МАН-аас Үндсэн хуулийн цэцийн гаргасан шийдвэрийг дэмжихгүй байгаагаа илэрхийлэн, цаг үеийн асуудлаар мэдээлэл хийлээ.
МАН-ын Намын байгуулалтын газрын дарга Б.Баярбаатар “МАН Хэнтийн 42 дугаар тойрогт нэр дэвших боломжтой хүмүүсээ жагсааж бэлтгэлээ хангасан байсан. Өнөөдрийн яг энэ цаг мөчид МАН-ын V бага хурлаа зарлан хуралдуулж, нэр дэвшигчээ тодруулах байсан. Манай намын зүгээс Монгол Улсын Ерөнхий сайд, МАН-ын дарга У.Хүрэлсүх нэр дэвших байсан. Бид Үндсэн хуулийн цэцийн шийдвэртэй санал нийлэхгүй байгаа. Мөн АН-ын дарга С.Эрдэнэ өнөөдөр өглөө хэвлэлд ярилцлага өгөхдөө "Эрх баригч намын захиалгаар ҮХЦ шийдвэр гаргалаа" гэж мэдээлэл өгсөн. Харин эсрэгээрээ АН дарга өөрөө энэ сонгуулийг явуулахгүй байх бодлогыг барьж байсан” гэв.
Үүний дараа МАН-ын Бодлогын газрын дарга Н.Батсүмбэрэл "МАН-ын Бага хурал өнөөдөр хуралдах байсан. МАН улс төрийн сонгуулиудад байнга оролцож, улс төрийн соёл гаргаж ирсэн улс төрийн хүчин. Бага хурлаас нэр дэвшигчээ албан ёсоор тодруулах байсан. Сүүлийн үед янз бүрийн байдлаар засгийн эрх барьж байгаа нам руу дайрах болсон. Ялангуяа сөрөг хүчин олон талаас нь дайрч байна” гэлээ.
