Япон улсын иргэн 32 настай алганы хээ судлаач гэх Нишида Кейчирог энэ сарын 18-нд Монгол Улсын хилээр албадан гаргажээ. Тэрбээр энэ сарын 15-нд Монгол Улсын хилээр орж ирэхдээ аялал жуулчлалын зорилгоор хэмээн виз хүсч авсан гэнэ.

Харин Гадаадын иргэн харьяатын газраас тухайн иргэнийг шалгахад ирсэн зорилгоосоо өөр үйл ажиллагаа явуулж байсан нь тогтоогдсон тул ийнхүү албадан гаргасан байна. Япон улсын иргэн нь аялал жуулчлалын зориулалттай визээр Монголд ирсэн мөртөө бусдын алганы хээг үзэж мөнгө олж бизнес хийж байжээ.