Нэр бүхий иргэд Үндсэн хуулийн цэцэд хандаж, УИХ-ын 2018 оны зургадугаар сарын 14-ний өдрийн “УИХ-ын гишүүнээс чөлөөлөх тухай” 49 дүгээр тогтоол Сонгуулийн тухай болон Үндсэн хуулийг зөрчсөн байна гэсэн мэдээлэл ирүүлсэн тухай өмнө мэдээлсэн.

Тэд УИХ-ын гишүүн Д.Гантулыг чөлөөлсөн тогтоол нь 2019 оны хоёрдугаар сарын 2-ны өдрийн “УИХ-ын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоох тухай” 22 дугаар тогтоол, Сонгуулийн тухай хуулийн 12 дугаар зүйлийн 12.1, 12.3 дахь хэсэг болон Үндсэн хуулийн зарим заалтад нийцээгүй гэсэн байна.

Үндсэн хуулийн цэц уг мэдээллийн дагуу маргаан үүсгэж, УИХ-ын тогтоол Үндсэн хууль болон бусад хууль зөрчсөн эсэхийг өнөөдөр дунд суудлын хуралдаанаар хэлэлцэхээр товлоод байгаа. 

Гэвч иргэдийн зүгээс үүнийг эсэргүүцэж, Д.Гантулгын бүрэн эрхийг сэргээхийг эсэргүүцэн өнөөдөр 11.00 цагаас Сүхийн талбайд бандааштай жагсаал зохион байгуулахаа мэдэгджээ.

Сануулахад өмнө нь Д.Гантулгыг УИХ-ын гишүүнээс чөлөөлсний дараа Хэнтийн 42-р тойрогт нөхөн сонгууль явуулах тухай УИХ-ын тогтоолыг Үндсэн хуулийн цэц өмнө нь нэг удаа "Үндсэн хуульд заасан иргэдийн сонгогдох эрхийг зөрчсөн" гэж үзээд хүчингүй болгож байсан түүхтэй. Үүнээс нь болж 42-р тойргийн нөхөр сонгууль бүтэн нэг жилээр ухраад байгаа.

Тиймээс энэ удаа Цэц дээр үүсгэсэн маргаан ч гэсэн нөхөн сонгуулийг нэгмөсөн явуулахгүй байхад чиглэсэн байх магадлалтай.