УИХ-ын ээлжит бус чуулганаар хэлэлцэхээр төлөвлөөд байгаа зарим томилгооны асуудлаар О.Баасанхүү гишүүнээс тодруулга авлаа.

-АТГ-ын дарга, дэд дарга болон УЕП, ЗХЖШ-ын даргыг томилох асуудлыг ээлжит бус чуулганаар хэллцэх ёстой. Та дээрх томилгоонууд дээр ямар байр суурьтай байна?

-АТГ-ын даргын хувьд бүрэн эрхийн хугцааны өнгөрөгч нэгдүгээр сарын 8-нд дууссан учраас томилгооны асуудал явах байх. Гэвч энэ асуудлаар ҮХЦ дээр маргаан үүссэн гэж би сонссон. Хэрвээ тйим бол УИХ энэ асуудлыг давхардуулан хэлэлцэх боломжгүй л дээ. Нэгдүгээрт. Хоёрдугаарт, Ерөнхийлөгчийн зөвлөхөөсөө авахуулаад УИХ-ын 49 гишүүн ЖДҮХС-гаас зээл авсан асудлаар АТГ-т шалгагдаж байгаа гэж би бас сонссон. Хэрвээ тийм бол өөрсдийнх нь хэргийг шалгаж байгаа байгууллагын удирдлагыг солих асуудлыг УИХ хэлэлцэх нь өөрөө ашиг сонирхлын зөрчил үүсгэнэ. Дараа нь ШХАБ-д элсэх асуудлыг Ерөнхийлөгч оруулаад ирлээ гэхэд энэ барьцаалагдсан гишүүд шууд дэмжих үү? Гэхмэтчилэн асуудал байна.

-ЗХЖШ-ын даргын тухайд?

-А.Ганбат генералын нэр явж байгаа гэсэн. Миний сонссоноор энэ хүн цэргийн тэтгэвэрт гарсан хүн. Цэргийн тэтгэвэрт гарсан хүнийг хэдийд албанд томилдог вэ гэхээр зөвхөн цэргийн дайчилгааны үед. Энэ хүн өмнө ажиллаж байх хугацаандаа ямар гавьяа байгуулсан нь хамаагүй. Зөвхөн хуулиа барьж томилгоо хийх ёстой л гэж бодож байна.

Б.ЗАЯА