Улсын их хурлын гишүүдийн иргэдэд боов гурил тараахтай бизнес хийдэг залуучууд барьцаж эхэлсэн бололтой. Тухайлбал “Сүндий” сангаас сар шинийн баярыг угтан нийслэлийн Чингэлтэй дүүргийн 55-аас дээш насны ахмад гишүүнтэй өрх бүрт Амуу тариан гурил, эко тор өгөх “Цагаан сэтгэл” аянг зохион байгуулж байна.
Бизнесүүд улс төрчдөөс өөр тул түмэн олныг бужигнуулалгүй дэс дараатайгаар бэлгээ тарааж байгаа харагдана. Сүндийг 10,000 цүнх тараалаа гэж энэ намар шуугиж, сүүлдээ Сүндий тараасан цүнхээ брэнд болгох талаар ярьж явсан бол өнөөдөр поп улс төрчдийг дуурайж гурил хуанли тарааж байгааг шүүмжлэх залуус олон байна.
Магадгүй мөнгөө үрж ядах аргаа олохгүй яваа бизнесмен Сүндий анхны гурил тараасан эрхэм байж мэдэх юм. Цаашдаа хэдэн бизнес залуу хичнээн ахмадад юу тараахыг таашгүй.
