Өнөөдөр чуулганы нэгдсэн хуралдаанаар БСШУС-ын сайд Ц.Цогзолмааг огцруулах асуудлыг хэлэлцэх ёстой байсан ч гадаадад албан томилолтоор яваа тул хойшлуулсан байна.

Тэр оны өмнө Засгийн газрыг огцруулах шаардлагад гишүүдийн хамтаар гарын үсэг зурсныхаа төлөө У.Хүрэлсүхийн ҮЗасгийн газарт ажиллах ёс суртахууны эрхгүй хэмээн үзэж огцрох хүсэлтээ өгсөн билээ. Засгийн газрын тэргүүн Боловсрол, соёл, шинжлэх ухаан, спортын сайд Ц.Цогзолмааг огцруулах саналаа өнгөрсөн оны арванхоёрдугаар сарын 3-нд Ерөнхийлөгчид хүргүүлсснээс хойш сар гаруйн хугацаа өнгөрөөд байна.

Түүнийг Засгийн газрыг огцруулахыг дэмжсэн нь кабинетийн зарчмаар ажиллаагүй, Ерөнхий сайдын бодлогыг баримтлаагүй гэдэг үндэслэлээр огцруулах болсноо ЗГХЭГ-ын дарга Г.Занданшатар мэдэгдэж байсан. Энэ дагуу арванхоёрдугаар сарын 11-нд Нийгмийн бодлого, боловсрол, соёл, шинжлэх ухааны байнгын хорооны хурлаар Ц.Цогзолмааг сайдын албан тушаалаас огцруулахыг дэмжсэн юм. 

Гэвч УИХ-ын чуулганы ирц бүрдэхгүй байсан учир сайдыг огцруулах асуудал албан ёсоор шийдэгдэлгүй өнөөдрийг хүрсэн. Өнөөдрийн чуулганы хуралдаанаар хэлэлцэх асуудлын дараалалд БСШУС-ын сайдыг огцруулах болон ЗТХ-ийн сайдыг чөлөөлөх асуудлыг хэлэлцэхээр оруулсан байсан ч Ц.Цогзолмаа нь Их Британи, Умард Ирландын Нэгдсэн Хаант Улсын Лондон хотноо жил бүр зохион байгуулагддаг Дэлхийн Боловсролын сайд нарын чуулга уулзалтад оролцож байгаа юм байна. Тиймээс өөрийг нь байлцуулж огцруулах асуудлыг хэлэлцэх журамтай учир энэ асуудлыг хойшлуулсан байна.