Израилын эрх баригчид Иранд цохилт өгөхөө зогсоох шийдвэр гаргасан тухай хэд хэдэн хэвлэл эх сурвалжаас эш татан мэдээлжээ.
"Энэхүү шийдвэрийг АНУ-ын Ерөнхийлөгч Дональд Трампын хүсэлтийн дагуу Израилын Ерөнхий сайд Биньямин Нетаньяху болон цөөн тооны сайд нарын уулзалтын үеэр гаргасан" гэж тус улсын хэвлэлүүд Израилын Засгийн газрын нэрээ нууцалсан өндөр албан тушаалтны мэдэгдлийг эш татан мэдээлсэн байна.
Харин Ливанд өгөх цохилтууд "эрчимтэйгээр" үргэлжлэх болно гэдгийг Израилын "ynet" цахим хуудсанд мэдээлжээ. Хэрэв Ливаны хэт давруу үзэлтнүүдий "Хезболла" хөдөлгөөн Израилын хойд бүс нутгууд руу дахин гал нээвэл Бейрутын дагуул хотуудад үргэлжлүүлэн цохилтыг өгнө гэж Засгийн газрын төлөөлөгч мэдэгдсэн байна. Израилын "Kan" телевиз мөн тус улс Иранд өгөх цохилтоо зогсоох боловч Ливаны өмнөд хэсэгт өгөх цохилтоо зогсоохгүй гэдгийг баталжээ.
Ираны цэргийн удирдлага мөн Израил руу хийх дайралтаа зогсооно гэдгээ мэдэгдсэн банйа. Гэхдээ Ираны цэргийн "Хатам аль-Анбия" штабаас анхааруулахдаа "хэрэв байлдааны ажиллагаа үргэлжилж, Израилаас Ливаны өмнөд хэсэгт цохилт өгсөөр байвал өмнөхөөсөө илүү хатуу, илүү сүйрэл дагуулсан арга хэмжээ авах болно" гэжээ.
Эх сурвалж: Reuters
