Хамтарсан засаг унаад нэг жил өнгөрч буй. Унаад ч гэж, МАН-ынхан Л.Оюун-Эрдэнийгээ унагахын тулд АН-ыг засгаас хөөлөө гэж намынхаа бага хурлаар шийдсэн.
Өнгөрөгч нэг жилд юу юу ч болоод өнгөрөв, өөдтэй юм бол болсонгүй. Улс ухарч, ард нийтийн амьдрал ахуй уналтад орлоо. Энэ бүгдээр дэнчин тавьж улсыг, ард нийтийг будилуулж бужигнуулсан улстөрчид амаа асуулгаад эхэлж. Хэнээс гээч. Эд нар Хамтарсан засгийг унагахдаа стратегийн орд эзэмшигчдэд том том ам өгсөн байна.
АМНАТ-ийг буулгана, 49-ийг буцаана, стратегийн орд гэх нэршлийг өөрчилнө, төрийн өмчтэй эрчим хүч болон тээврийн компаниудыг хувьчилна гэж амлаж. Гэсэн нь өнгөрөгч нэг жилд алийг нь ч амжуулж барсангүй. Гэтэл нь нэг жил нь энэ зургадугаар сарын 3-нд болчхож.
Энэнд стратегийн орд эзэмшигчид уурлаж гадаад дотоодоос хатуу үг шидлээд эхэлж. Хохь нь шүү, авснаа буцаагаарай гэх зэргээр хоёр хоногийн өмнөөс хатуу үг дайж, дарамтлаад унасан байна. Энэнд өнгөрөгч оны өдийд Хамтарсан засгийг унагасан гол хүмүүс хямарч нойргүй хоноод эхэлжээ.
Стратегийн орд эзэмшигчдийн буруу биш. Өгдгөө өгөөд бүтэн нэг жил хүлээж байхад шийдэхгүй, тэрийг нь хүлээгээд харийн оронд хэвтэж байх амар биш, уур унтуу хүрч таараа. Удалгүй улс төрийн эрх мэдэл, стратегийн орд эзэмшигчид хоёр хоорондоо үзэлцэж ч магадгүй...
Өдрийн сонин
