Сэлэнгэ аймаг гадаад харилцаа, хамтын ажиллагааны хүрээнд Япон улсын “Макробио альфа” ХХК-тай хамтран эрүүл мэндийн салбарт хиймэл оюун ухаанд суурилсан, 48 нэр төрлийн оношилгоо хийх хүчин чадалтай “Self-Doctor” тоног төхөөрөмж нэвтрүүлэх төслийг хэрэгжүүлж эхэллээ.
Төслийн хүрээнд өнөөдөр ЭМГ-ын сургалтын танхимд эмч, мэргэжилтнүүдэд тоног төхөөрөмжийг хэрхэн ашиглах талаар сургалт зохион байгуулж байна.
Энэхүү олон улсад хүлээн зөвшөөрөгдсөн, орчин үеийн технологийн дэвшил, инновац шингэсэн эрүүл мэндийн үзлэг, оношилгооны тоног төхөөрөмжийг нэвтрүүлснээр алслагдсан сум, баг, хороонд амьдарч буй иргэдийн эрүүл мэндийн байдлыг богино хугацаанд урьдчилан оношлох боломж бүрдэх юм.
Мөн зонхилж буй өвчлөл болон анхаарах шаардлагатай өвчнийг графикаар харуулах тул дүн шинжилгээ хийхэд хялбар болох юм. Түүнчлэн мэдээлэл нь өдөр, цаг, минутаар бодит цагийн горимд харагдах бөгөөд хаанаас ч шууд хянах боломж бүрдэнэ.
Түүнчлэн эмч ажлаа тайлагнах, төлөвлөх, төсөв хэмнэх зэрэг олон давуу тал бий болно хэмээн төслийн зохицуулагч, АНУ-ны доктор Ж.Энхзул ярилаа.
Сэтгэгдэл (1)