Энэ улирлын Европын цомын гурван тэмцээний шийдвэрлэх тоглолтуудад оролцох багууд тодорлоо.

Өмнө нь мэдээлснээр, Аваргуудын лигийн финалын тоглолт 5 дугаар сарын 30-ны өдөр Будапешт хотын “Пушкаш Арена” цэнгэлдэх хүрээлэнд болно. Өнгөрсөн оны ялагч “Пари Сен-Жермен” баг сүүлийн 20 жилийн хугацаанд тус тэмцээний финалд анх удаагаа шалгарсан Лондоны “Арсенал”-тай аваргын төлөө өрсөлдөнө.

Европын лигийн цомын төлөө Английн “Астон Вилла”, Германы “Фрайбург” багууд өрсөлдөхөөр боллоо. Англичууд хагас шигшээд “Нотингем Форест” багийг 4:1-ээр, германчууд Португалын “Брага” багийг 4:3 харьцаагаар тус тус буулган авсан юм. Шийдвэрлэх тоглолт энэ сарын 20-ны өдөр Истанбул хотын “Бешикташ” цэнгэлдэх хүрээлэнд болно.

Конференцийн лигийн цомын төлөөх финалын тоглолт энэ сарын 27-ны өдөр Лейпциг хотын “Ред Булл Арена” цэнгэлдэх хүрээлэнд болох бөгөөд Английн “Кристал Пэлас”, Испанийн “Райо Валькано” багууд аваргын төлөө хүч үзнэ. Англичууд хагас шигшээгийн хоёр тоглолтын нийлбэр дүнгээр Украины “Шахтер” багийг 5:2 харьцаагаар, испаничууд Францын “Страсбург” багийг 2:0-ээр тус тус илүүрхсэн юм.

Ийнхүү Европын цомын тэмцээнүүдийн финалд Английн “Арсенал”, “Астон Вилла” “Кристал Пэлас” гэсэн 3 баг шалгарсан бол Франц, Герман, Испаниас тус бүр нэг баг финалдлаа.

Эх сурвалж: Kazinform