Өнөөдөр буюу жил бүрийн тавдугаар сарын 12-нд дэлхий нийтээр “Олон улсын сувилагчдын өдөр”-ийг тэмдэглэдэг уламжлалтай.
Сувилагчдын өдрөөр тэдний мэргэжил, мэдлэгийг дээшлүүлэх, сурталчлах, эрдэм шинжилгээ, судалгааны ажлыг дэмжих зэрэг өргөн хүрээтэй үйл ажиллагааг зохион байгуулж тэмдэглэдэг. Дэлхийд дахинд “Дэнлүү барьсан эмэгтэй” хэмээн алдаршсан Английн иргэн, сувилагч, багш Флоресне Найтенгелийг сувилахуйн ухааныг үндэслэгч хэмээн алдаршуулж, түүний төрсөн өдөр буюу тавдугаар сарын 12-ныг Олон улсын сувилагчдын нийгэмлэгээс “Олон улсын сувилагчдын өдөр” болгон тэмдэглэх болсон юм. Флоренс Найтингейл 1853-1856 онд үргэлжилсэн Крымийн дайны үед шархадсан цэргүүдэд тусламж үзүүлж, сувилагчаар ажиллаж байхдаа цэргүүдийн нас баралтын шалтгааныг нарийвчлан бүртгэж "Сарнайн диаграмм" хэмээх инфографик бэлтгэжээ. Тус инфографиктаа цэргүүдийн олонх нь эмнэлгийн тааруу нөхцөл, ариун цэврийн асуудлын улмаас нас барж байгааг харуулсан байна. Түүний бэлтгэсэн инфографик мэдээлэл нь тухайн үеийн эрх баригчдын бодлого, шийдвэр гаргалтад нөлөө үзүүлж, олон хүний амь эрсдэх аюулаас аварч чадсан түүхтэй.
Монгол Улсын хувьд 1995 оноос хойш энэ өдрийг тэмдэглэх болсон. Энэ жил сувилагчдын өдрийг “Цогц чадамж-Сувилагчийн үнэ цэн” уриан дор тэмдэглэж байна. Сувилагч бол хүн төвтэй эрүүл мэндийн тусламж үйлчилгээний гол хүч.
Нэг сувилагчид ногдох хүний тоо дунджаар 228 байгаа юм.
Хүн ардынхаа эрүүл мэнд, амь насыг сахин хамгаалах эрхэм үйлсэд мэдлэг, ур чадвар, сэтгэл зүрхээ зориулан ажиллаж буй нийт сувилагч нартаа Олон улсын сувилагчдын өдрийн мэнд хүргэе.
