Барбадосын дуучин Рианна "Fenty" нэрийн гоо сайхан, нүүр будалт, дотуур хувцасны брэнд үүсгэн байгуулж, охид бүсгүйчүүдийн дунд ихээхэн алдаршиж байгаа билээ. Тэгвэл дуучин бүсгүй брэндийн нэрнээс болж өөрийн төрсөн эцэг Рональд Фентиг Калифорни мужийн шүүхэд өгчээ.
Тодруулбал Барбадост амьдардаг түүний эцэг "Fenty" гэдэг овгоо ашиглан компани нээснийх нь төлөө дуучин бүсгүй зарга үүсгээд байгаа гэнэ.
Рональд Фенти 2017 онд "Fenty Entertainment" нэртэй продюсерын компани үүсгэн байгуулсан бөгөөд дуучин бүсгүйн үзэж буйгаар түүний эцэг өөрийнх нь "Fenty Beauty" брэндийн нэр хүндийг ашиглан завшиж байгаа хэмээн буруутгажээ.
Энэ хэргээс гадна дуучин бүсгүй өөрийн эцэг Рональд Фентиг өөрийх нь нэрийг барин Латин Америкийг тойрсон аялан тоглолт хийнэ хэмээн 15 сая ам.доллар авахаар тохиролцсон, мөн АНУ-д хоёр тоглолт зохионо гэж 400,000 ам.долларын хэлэлцээр хийхийг завдсан хэргээр буруутгагдаад байгаа аж.
Рианна энэхүү заргадаа Рональд Фентиг "Fenty" гэдэг худалдааны тэмдгийг ашиглахгүй байхыг шүүхээс хүсчээ. Түүнчлэн Рианна өөрийн эцгийг түүнд учруулсан бүх хохирлыг барагдуулахыг шаардсан байна.
Дуучин Рианна "Fenty" хэмээх нэрийг оюуны өмчөөр баталгаажуулж худалдааны тэмдгийг эзэмшдэг юм байна.
