Канадын залуу дуучин Жастин Бибер Америкийн алдарт жүжигчин Алек Балдвины охин Хэйли Балдвинтай хайр сэтгэлийн холбоотой болж, хэдхэн сарын өмнө нууцаар гэрлэлтээ батлуулсан билээ.

Сүүлийн үед нам жим байгаа шинэхэн хос хуримын бэлтгэлээ базаагаад завгүй байгаа бололтой. Учир нь Жастин, Хэйли нар ирэх сарын 28-нд хуримаа хийхээр төлөвлөсөн байна. 

Хурим болох газар одоогоор тодорхойгүй байгаа ч ойр дотны найз нөхөд, хамаатан садан нь аль хэдийн хуримын урилгыг хүлээн аваад байгаа гэнэ. Сүйт бүсгүй Хэйли өмнө нь байгальтай ойр, ой модтой газар нүсэр биш цомхон хурим хийхийг хүсдэг тухайгаа илэрхийлж байжээ.

Хуримыг Жастин Биберийн хувийн DJ Жэймс зохион байгуулахаар сонгогдсон аж.